Йоахим Лёв Саненинг якуний таркибга киритилмагани сабабини айтиб ўтди
04 jun 2018 20:02
News
![](https://championat.asia/upload/storage/431823_original.jpg)
![](/upload/storage/431823_220.jpg)
Йоахим Лёв Саненинг якуний таркибга киритилмагани сабабини айтиб ўтди
Бугун Йоахим Лёв Германия терма жамоасининг ЖЧ-2018 учун якуний таркибини эълон қилди.
Кўпчилик учун кутилмаганда "Манчестер Сити" аъзоси Лерой Сане 23талик рўйхатга киритилмади. Бош мураббий бунга қуйидагича изоҳ билдирди:
"Сўзсиз, Леройда улкан иқтидор бор. У ҳали терма жамоада бўлади. Шунинг учун биз сентябрдан эътиборан у билан кўпроқ ишлашимиз керак. У ҳамон жамоанинг ўйинига тўлиқ киришиб кетмаган. Ва бу нарса қандайдир даражада муҳим рол ўйнайди", - деди Лёв.
Шунингдек, мутахассис Саненинг ўрнига таркибда олиб қолинган Юлиан Брандт ҳақида ҳам гапириб ўтди:
"Улар ҳар иккиси (Сане ва Брандт) юқори даражадаги ўйинчилар, ҳар иккиси дриблингда кучли. Юлиан Брандт Конфедерациялар кубогида ўйнаган. Ўшанда у яхши ўйинларни ўтказган. Бундан ташқари, Юлиан машғулотларда ўзини ажойиб тарзда кўрсатди", - деди мураббий.
Link :
Source : twitter.com/DFB_Team_EN
Receive latest football news directly on your phone. Subscribe for our Telegram channel!
Similar news
![AMP Logo](https://championat.asia/image/logo-amp.png)
Comments