Вадим Абрамов: "Хатолар мағлубиятга олиб келди"

Шундай қилиб АГМК ўз тарихида кетма-кет иккинчи бор финалга йўл олди. "Бунёдкор" эса ўз юришини ярим финалда тўхтатди. Ўйиндан кейинги матбуот анжуманида "Бунёдкор" бош мураббийи Вадим Абрамов қуйидаги фикрларни билдирди. 

- Афсуски, Ўзбекистон Кубогининг ярим финалида юришни тўхтатдик. Футболда омад келмаса қийин. Бугун ёмон ўйин кўрсатдик деб ўйламайман, аммо ютқаздик. Хатолар мағлубиятга олиб келди, - дейди Вадим Карленович. 

- Нима деб ўйлайсиз, келаси йил Осиё чемпионлар лигасида ўйнаш учун ҳали имконият борми? 

- Албатта, бор. Ҳали кураш давом этяпти. Гарчи Кубокдан чиқиб кетган бўлсак-да, Суперлигадаги кураш тугагани йўқ. 

- Ҳам терма жамоада, ҳам клубда ишлаш қийин бўлмайдими? 

- Қийин бўлмайди деб ўйлайман, чунки терма жамоада бўлган пайтим ёрдамчиларим клубдаги ишимга ёрдам бериб туришади.