Улуғбек Ҳошимов: "Ўзим катта бўлган жамоага қайтиш ёқимли. "Пахтакор" билан катта ютуқларга эришишни мақсад қилганман"

- "Пахтакор" жамоаси келиб қўшилдингиз. Иккинчи даврага тайёргарлик қандай кечмоқда?

- Ўзим катта бўлган жамоага қайтиш жуда ёқимли. Дастлабки қадамларимни шу ерда ташлаганман. Кунига икки маротаба машғулот олиб боряпмиз. "Пахтакор" билан катта ютуқларга эришишни мақсад қилганман.

- Иккинчи давра олдидан "Пахтакор" ўз олдига қандай мақсадларни қўйди?

- Мақсадлар катта. Шу натижаларга эришиш учун максимал равишда ҳаракат қиламиз. "Пахтакор"га келишим олдиндан анқи эди, аммо айрим бир сабабларга кўра биринчи даврани "Сурхон"да ўтказдим. Жамоадошларимнинг барчаси акаларим ва укаларим жамоадаги атмосфера ажойиб.

- Париждаги Олимпия ўйинлари бошланишига бир ҳафта қолди. Олимпия ўйинлари олдидан ўз фикрларингизни билдириб ўтсангиз?

- Дўстларимга Олимпия ўйинларида омад тилайман. Улар ватанга ёруғ юз билан қайтишларига тилакдошман.