Улуғбек Бақоев: "Сифатли футбол кўрсатмаган бўлсак ҳам ғалабага эриша олдик"
01 may 2022 21:27
News


Улуғбек Бақоев: "Сифатли футбол кўрсатмаган бўлсак ҳам ғалабага эриша олдик"
- Ўйин ҳақида
- Қийин ўйин ўтказдик. Намангандаги "Навбаҳор" билан ўйиндан сўнг тикланиш учун вақт оз эди. Йигитлар чарчоқ туфайли бугун ҳақиқатдан ҳам қийналишди, буни мураббий сифатида кўриб-билиб турибман. Сифатли ўйин намойиш этмаган бўлсак ҳам голлар урдик ва ғалабага эришдик. Муҳими – натижа.
Кейинги учрашувга қадар тўлиқ тикланиб янада сифатли ўйин намойиш этамиз деган умиддаман. Жамоамиз аъзоларига бугунги ўйин учун миннатдорчилик билдираман.
- Милан Митровичда узатмалар хато чиқаётгани кўзга ташланмоқда. Бу борада иш олиб борасизларми?
- Тўғри, Митрович узатмаларда хатоликларга йўл қўйди. У билан дарвозабонлар мураббийимиз алоҳида иш олиб боради. Бу тўғриласа бўладиган холат.
- Жамоани олдинда "Пахтакор", АГМК каби кучли жамоаларга қарши ўйинлар кутиб турибди...
- Тўғри, биз яқин кунлар ичида "Пахтакор" ва АГМК билан ўйнаймиз. Ҳозирда Суперлигада кучсиз жамоанинг ўзи йўқ, исталган рақиб муаммо туғдира олади. Биз ҳар бир ўйинга жиддий ёндашамиз.
Similar news

Comments