Latest news

10:03"Интер" тўпурар ҳужумчи билан шартнома имзолашга яқин  0 09:30Луис Диаснинг "Бавария"га ўтганидан сўнг ойлиги 4 бараварга ошди  4 08:57"Манчестер Сити" асосий ҳимоячиси билан шартномани узайтиради  0 08:35Европанинг машҳур клуби Неймар билан шартнома имзоламоқчи  2 08:03Аутсайдерлар баҳсида "Сантос" ғалаба қозонди. Неймардан дубл  1 07:34Суперлига. Бугун Тошкентда ажойиб учрашув бўлиб ўтади  8 00:46Кушанашвили Валерий Карпиннинг ўзини тутиши ҳақида: "Бу мачо ўйини, у доимо журналистларга қўполлик қилади, ўзини ҳаммадан зукко деб ҳисоблайди"  0 00:20"Реал" Родригoни 80 миллион евродан камига сотмайди  3 23:32Эрон нашрлари Машарипов жароҳати жиддий деб ёзишмоқда. Футболчи бу саволга ўзи жавоб берди  15 23:24"Милан" ва "Ал Ҳилол" қизиқаётган Нуньес мавсумолди ўйинларида 5 та гол урди, у ўтган мавсум АПЛда шундай натижа қайд этган эди  0 23:04Ўртоқлик ўйини. "Ливерпуль" Ла Лига жамоасини таслим қилди, мухлислар 20-дақиқада Жота хотирасига бир дақиқа қарсак чалишди  0 22:15Шешко МЮга ўтишни хоҳлаяпти, аммо "Ньюкасл" вариантига ҳам қарши эмас  0 21:31Лука Модрич: "Мен 13 йилни дунёнинг энг буюк клубида ўтказдим, энди эса ўтмишда ҳозирги "Реал" даражадаси бўлган клубга келдим"  7 20:48"Ал Насср" Роналду орқали МЮ собиқ футболчисини ўз сафига қўшиб олиши мумкин  1 19:59Миш-мишларга чек қўйилди: Лунин Мадридда қолади  0

ТОП-5 қачон бошланади? Жамоалар янги мавсумга қандай тайёрланмоқда? News

ТОП-5 қачон бошланади? Жамоалар янги мавсумга қандай тайёрланмоқда?

Ёз фаслининг учинчи ойи ҳам бошланди ва Европада футбол янги мавсумлари бошланиш арафасида.

Яна бир неча кундан кейин Европанинг кучли чемпионатлари, шу билан бирга, ўзбекистонлик футбол мухлислари алоҳида эътибор билан кузатадиган Туркия Суперлигаси ҳам старт олади.  


Хўш, ўзи топ чемпионатлар қачондан бошланади, унда қайси янги жамоаларни кўрамиз, грандлар янги мавсумга қандай тайёрланмоқда? Ушбу мақолада мазкур саволларга жавоб беришга ҳаракат қиламиз. 


АПЛ

Бошланиш санаси: Англияда янги мавсум 15 август куни тунда "Ливерпуль" - "Борнмут" учрашуви билан старт олади. 

Англия Премьер-Лигаси янги мавсуми ҳам одатдагидек қизиқарли бўлиши кутилмоқда. Бунга "Лидс", "Бёрнли" ва "Сандерленд" элитага қайтгани сабаб, десак муболаға бўлади, албатта. Амалдаги чемпион "Ливерпуль", нисбатан омадсиз мавсумдан кейин яна тахтга қайтиш ниятидаги "Манчестер Сити", йиллар давомида соврин умидида ҳаракат қилаётган ҳамда бу трансфер ойнасида айниқса фаол бўлган "Арсенал", таркибини анча тартибга солиб олаётган "Челси", янги футболчилардан ташқари янги мураббий билан юқорилашни кўзлаган "Тоттенхэм", сэр Алекс даврини қумсаганларни хурсанд қилиш умидидаги МЮ ва бошқалар мавсумга имкон қадар яхшироқ тайёргарлик кўрмоқда. 

Трансферлар борасида гапирадиган бўлсак, нафақат АПЛ балки умумий олганда ҳам мазкур ойнанинг энг қиммат 3 ва 4-трансферларини МЮ амалга оширгани, бироз ҳайратланарли-а? Устига-устак гап Брайан Мбеумо ва Матэус Кунья ҳақида кетаётган бўлса. Аммо бу факт. "Ливерпуль" Флориан Вирц ва Уго Экитикени 125 млн ва 80 млн еврога харид қилган бўлса, манчестерликлар Мбеумо учун 75, "Вулверхэмптон" етакчиси учун эса 74.20 миллион евро тўлаб берди. Яна ўша "Transfermarkt" маълумотларига кўра, "Арсенал" Виктор Гьёкереш учун 65.80 миллион евро тўлаган. "Манчестер Сити"нинг энг қиммат хариди "Милан"дан Тижани Рейндерс бўлди — 55 миллион евро. Мавсум давомида, майдонда ким қимматлироқ футболчи бўлади, вақт кўрсатади. 


Ла Лига

Бошланиш санаси: Испанияда янги мавсум 15 август санасида старт олади. Чемпионатнинг илк учрашувида жума оқшомида "Жирона" ўз уйида "Райо Вальекано"ни қабул қилади. "Барселона" 1-турни сафарда (16 августда) "Мальорка"га қарши бошласа, "Реал" турнинг охирги ўйинида (19 август) "Осасуна"ни меҳмон қилади. Ўтган мавсум бронза медали соҳиби "Атлетико Мадрид" "Эспаньол" меҳмони бўлади.  

Ўтган мавсум якунларига кўра, қуйи дивизионга "Реал Вальядолид", "Лас-Пальмас" ва "Леганес" тушиб кетгани ёдингизда бўлса керак. Сегундадан эса Ла Лига чиққанлар — "Леванте", "Эльче" ва плей-офф орқали йўлланмани қўлга киритган "Реал Овьедо" клуби.

Трансфер бозорида фаоллик борасида бу мавсум инглизларга тенг келадиган йўқ, десак тўғри бўлса керак. Аммо испанлар ҳам керакли нуқталарга янги футболчилар харид қилмоқда. Мисол учун "Реал" "Ливерпул"дан Трент-Александер Арнольдни шартномаси якунига етишидан бир ой аввалроқ олиб кетиш учун 10 миллионнинг бахридан кечди. "Борнмут" ҳимоясида ўзини яхши томондан кўрсатган испаниялик Дин Хейсен 62,50 млн евро эвазига Мадридга кўчиб ўтди. 

Кераксиз ўйинчилар билан хайрлашган "Барселона" эса Маркус Рэшфордни сотиб олиш ҳуқуқи билан ижарага олганини таъкидлаб  ўтиш лозим. 

Антонини таркибида сақлаб қолган "Бетис" 13 миллион еврога Кучо Эрнандесни ҳам сотиб олди. 

Рубен Варгаснинг "Севилья"га трансфери сумма жиҳатидан (2.5 млн) бўлмасада, фойдалилик жиҳатидан эътиборга лойиқ, назаримизда.   


А Серия

Бошланиш санаси: Италияликлар чемпионатни 1 ҳафта ўтиб бошлашга ҳаракат қилишган. 23 август санасида амалдаги чемпион "Наполи"нинг сафарда "Сассуоло"га қарши ҳамда "Женоа" - "Лечче" учрашувлари билан 2025/26-йилги мавсум старт олади. "Милан" ва "Рома" 23 августда, "Аталанта" ва "Ювентус" 24 август, "Интер" эса 25 август тунда майдонга тушади.

Ўтган мавсум якунларига кўра, қуйи дивизионга "Монца", "Венеция" ва Эмполи" тушиб кетгани ёдингизда бўлса керак. Б Сериядан эса А Серияга чиққанлар — "Сассуоло", "Пиза" ва плей-офф орқали йўлланмани қўлга киритган "Кремонезе" клуби. Эътиборлиси, "Пиза" 1990/91-йилги мавсумдан буён A Серияда бўлмаган. Шундай қилиб, жамоа 34 йиллик танаффусга чек қўйди. 

Трансферлар борасида "Наполи" эркин агент сифатида Кевин Де Брюйнени, "Милан" эса Лука Модрични ўз сафига қўшиб олганини алоҳида таъкидлаш зарур. "Лацио" "Арсенал"да омади чопмаган Нуну Таварешни 5 миллион эвазига сотиб олгани, "Рома" Туркияга йўл олган ҳамюртимиз Элдор Шомуродов ўрнига "Брайтон"дан Эван Фергюсонни 3 млн.га ижарага олганини қўшимча қилиш мумкин.


Бундеслига

Бошланиш санаси: 22 август тунда амалдаги чемпион "Бавария" "РБ Лейпциг" билан баҳслашади. Хаби Алонсо тарк этган "Байер" ўз майдонида "Хоффенхайм"ни қабул қилса, ўтган мавсум ТОП-3ни якунлаб берган Франкфуртнинг "Айнтрахт" клуби "Вердер"ни меҳмон қилади. "Боруссия Дортмунд" сафарда "Санк-Паули"га қарши ўйнайди.

Ўтган мавсум Бундеслигадан "Бохум" ва "Хольштайн Киль" тушиб кетган бўлса, "Хайденхайм" плей-офф босқичида "Эльферсберг"дан устун келди ва ўз ўрнини сақлаб қолди. "Кёльн" ва "Гамбург" эса тўғридан-тўғри йўлланмани қўлга киритган ҳамда янги мавсум элитада ўз кучини синаб кўради.  

Бундеслиганинг энг шов-шувли трансфери, шубҳасиз, Луис Диаснинг Мюнхенга кўчиб ўтиши бўлди. "Байер" икки, "Айнтрахт" эса битта етакчисини яхши пулга "Ливерпул"га сотган бўлса, "Бавария" "Ливерпул"дан Диасни 70 миллион евро эвазига сотиб олди. 


Лига 1

Бошланиш санаси: Францияда янги мавсум Англия ва Испаниядагидек 15 августда старт олади. Очилиш учрашувида "Ренн" "Марсел"ни қабул қилади.

Ўтган мавсум якунида Лига 1ни "Монпелье", "Сент-Этьен" тарк этган бўлса, "Реймс" ўтиш ўйинларида "Метц"га имкониятни бой берди. Қуйи лигадан чиққан жамоалар: "Лорьян", "Париж" ҳамда "Метц". Пойтахтнинг "Париж" клуб 46 йил деганда элитага қайтишни уддалаб, тарихий воқеага сабаб бўлди. 

Ижара муддати якунланган Пьер Эмиль Хойберг "Тоттенхэм"га қайтмайдиган бўлди ва "Марсель" бу сафар тўлақонли трансферни амалга оширди, Мамаду Саррни "Челси"дан ижарага олган "Страсбур", француз клублари ичида бозорда энг фаоллардан бўлиб турибди ва қатор трансферларни амалга оширганини айтиб ўтиш керак.    


Бонус. Туркия Суперлигаси

Бошланиш санаси: Туркияда янги мавсум шу ҳафта старт олади! 8 август куни амалдаги чемпион "Галатасарой" сафарда "Газиантеп" билан беллашади. "Фенербахче" ўз уйида "Аланьяспор" билан рўбарў келса, сафида Элдор Шомуродов ва Аббос Файзуллаев бўлган "Истанбул" сафарда дебютант "Фатих Карагумрук" билан беллашади. Мазкур учрашув 10 август тунда 23:30да старт олади. 

19 жамоа иштирок этадиган Туркия Суперлигасидан 4 та жамоа тушиб кетади. Ўтган мавсум якунларига кўра, "Адана Демирспор", "Хатайспор", "Сивасспор" ва "Бодрумспор"нинг омади чопмади. Биринчи лигадан эса чемпион "Кожаэлиспор", иккинчи ўрин соҳиби "Генчлербирлиги" ҳамда плей-офф босқичи ғолиби "Фатих Карагумрук" жамоаси олий лигага йўлланмани қўлга киритди.



Омонжон Тўхтамирзаев тайёрлади

Rating: +5   

Comments

   
05 aug 08:48:06
Muhammadqodir Muhtorov
Reply to comment by Ravshan Ruzikulov
Tyuner 450 ming so'm turar ekan aka. Uzdigital tv ofisiga borib sotib oling. Super ekonom tarifi va setanta sports qo'shimcha xizmatini yoqtirmoqchiman Deng ularga.ulanish 40000 so'm bo'ladi. Shunda oyiga 26000 so'm to'lar ekansiz.super ekonom tarifida 13 ta telekanal bor ekan va 9 ming so'm oyiga.va setanta sports 1 va 2 telekanallari 17 ming so'm oyiga. Shartnoma tuzib telekardni olganingizdan keyin uyingizga olib kelib televizoringiz orqa tomonida joy bor ,o'sha yerga o'rnatasiz va tomoshadan zavqlanasiz.hozir aksiya ketopti. August oyi setantani ko'rish bepul. Sentyabrdan to'laysiz 17 mingni
Rahmat katta
   
05 aug 08:17:19
Ravshan Ruzikulov
Reply to comment by Muhammadqodir Muhtorov
Smart tv orqali qande ko'radi?
Tyuner 450 ming so'm turar ekan aka. Uzdigital tv ofisiga borib sotib oling. Super ekonom tarifi va setanta sports qo'shimcha xizmatini yoqtirmoqchiman Deng ularga.ulanish 40000 so'm bo'ladi. Shunda oyiga 26000 so'm to'lar ekansiz.super ekonom tarifida 13 ta telekanal bor ekan va 9 ming so'm oyiga.va setanta sports 1 va 2 telekanallari 17 ming so'm oyiga. Shartnoma tuzib telekardni olganingizdan keyin uyingizga olib kelib televizoringiz orqa tomonida joy bor ,o'sha yerga o'rnatasiz va tomoshadan zavqlanasiz.hozir aksiya ketopti. August oyi setantani ko'rish bepul. Sentyabrdan to'laysiz 17 mingni
   
05 aug 08:06:14
Ravshan Ruzikulov
Reply to comment by Muhammadqodir Muhtorov
Uz digital tv ga qande uleydi?
Uzdigital tv antennangiz bo'lsa Agar smart tv bo'lsa telekard sotib olasiz gde to 400 ming so'm turadi. Agar oddiy televizor bo'lsa tyuner olasiz 700 mingga va shartnoma tuzasiz uzdigital tv bilan . Super ekonom tarifini yoqasiz 4 ta rossiya telekanali 10 ming so'm oyiga va setanta sports qo'shimcha to'plamini yoqtirasiz oyiga 17 ming so'm. Shunday qilib oyiga 27 ming so'm to'laysiz.joylardagi zdigital tv ofisiga uchrashing .ular sizga ID raqam beradi. Pulni terminal dan to'laysiz
   
04 aug 23:08:01
tima86
Туркияда 4-та жамоа тушиб, урнига 3-та жамоа кушилганми??
   
04 aug 20:54:11
Muhammadqodir Muhtorov
Reply to comment by Shokhrukh Kodirov
Setanta Sports ойига 15 000 - 2 та канал. Факат Интернет керак булади. Телевизор Смарт Тв булса ё тюнер бор бозорда 700000 сумга. Эски телевизорларни унга уласа булади. Setanta Sports иловаси. Бунга хам ё телефон, компьютер, ё Смарт ТВ телевизор, ё юкоридаги тюнер. Бу анави 2 та Сетанта каналларидан яхши. Барча уйинлар тугридан-тугри кучли бешлик чемпионатлари + Шотландия, Нидерландия, Чемпионшип. Хар кандай матчни тандаса булади ва ёзувда курса булади. Битта минус - Чемпионлар Лигаси, Европа Лигаси ва Конф. Лигаси эксклюзив Зур ТВда. Факат улар факат бир кечада битта уйин курасата олади. Сетантага ухшаб платформа очиб куйишганда, хамма уйин кура олардик, Россияни ОККО платформасига ухшаб.
Smart tv orqali qande ko'radi?
   
04 aug 20:53:00
Muhammadqodir Muhtorov
Reply to comment by Ravshan Ruzikulov
Setanta sports 1 va Setanta sports 2 telekanallari oyiga 17 ming so'm bo'ldi uzdigital tv orqali ko'rish
Uz digital tv ga qande uleydi?
   
04 aug 19:55:41
Ravshan Ruzikulov
Setanta sports 1 va Setanta sports 2 telekanallari oyiga 17 ming so'm bo'ldi uzdigital tv orqali ko'rish
   
04 aug 19:24:55
Shokhrukh Kodirov
Setanta Sports ойига 15 000 - 2 та канал. Факат Интернет керак булади. Телевизор Смарт Тв булса ё тюнер бор бозорда 700000 сумга. Эски телевизорларни унга уласа булади.
Setanta Sports иловаси. Бунга хам ё телефон, компьютер, ё Смарт ТВ телевизор, ё юкоридаги тюнер. Бу анави 2 та Сетанта каналларидан яхши. Барча уйинлар тугридан-тугри кучли бешлик чемпионатлари + Шотландия, Нидерландия, Чемпионшип. Хар кандай матчни тандаса булади ва ёзувда курса булади.
Битта минус - Чемпионлар Лигаси, Европа Лигаси ва Конф. Лигаси эксклюзив Зур ТВда. Факат улар факат бир кечада битта уйин курасата олади. Сетантага ухшаб платформа очиб куйишганда, хамма уйин кура олардик, Россияни ОККО платформасига ухшаб.
   
04 aug 19:13:29
Усмонбек
Зур тв реал барса иштирокидаги уйинларди трансляция килишини укигандим бошка янгилик хабарлар йукми апл а серия ана боринки туркия чемпионати уйинларичи
championat.asia
< show latest news
Яндекс.Метрика