Тома Табатадзе "Навбаҳор" билан хайрлашди

"Йигитлар, сиз билан ўйнаш шараф эди. Бизни кучлироқ қилган кўплаб ёрқин лаҳзалар, ғалаба ва қийинчиликларни биргаликда бошдан кечирдик.

Ёқимли дақиқалар учун, қўллаб-қувватлаганингиз, дўстлигингиз ва жамоамизни доимо бирлаштирган жанговар руҳингиз учун раҳмат. Мен чин дилдан ишонаманки, ҳар бирингизни майдонда ҳам, майдон ташқарисида ҳам буюк ишлар кутиб турибди. Келажакда омад!", – дея ёзиб қолдирган Тома.

Маълумот учун, Табатадзенинг сариқ карточкалари сони 4 тага етган. Шу боис у охирги турда майдонга туша олмайди. Кўринишидан грузиялик форвард наманганликлар билан шартномани узайтирмаган. 

32 ёшли ҳужумчи жорий мавсум Суперлига ва Ўзбекистон Кубоги учрашувларида 19 учрашувда майдонга тушиб, 11 та гол урган ва чемпионат тўпурари Драган Черандан 3 та гол ортда бораётган эди. "Навбаҳор" сўнгги турни 30 ноябрь куни ўз уйида "Андижон"га қарши ўтказади.