Latest news

02:11Марко Станоевич: "Аламли мағлубият бўлди. Буни тезроқ унутиб, машғулотларга қайтишимиз керак"  1 01:33Аброр Исмоилов: "Муҳим учрашувда керакли очколарни қўлга киритдик"  0 01:27Камолиддин Тожиев: "Натижа бор, лекин жамоамиз ўйинидан қониқмадим"  0 00:45Ольмо Клублар ўртасидаги ЖЧ ҳақида: "Мавсумга тўлақонли тайёргарлик кўраётганимиздан хурсандмиз"  2 00:35Фарҳод Нишонов: "Кубок ўйинларида янада узоқроқ боришни мақсад қилгандик"  0 00:22Ҳаким Фузайлов: "Бугунги мағлубият учун ҳамма айбни ўзимга оламан"  2 00:00Суперлига. "Динамо" мухлислари кўз ўнгида "Нефтчи"га ютқазди  2 23:50Сергей Лушчан: "Кубок ўйинларида футболчиларга қўшимча мотивация керак"  6 23:28Вадим Абрамов: "Бугун жамоам жуда оғир ўйнади"  10 23:06Брайан Риаскос: "Суперлига – бир қараганда осон, аммо аслида жуда мураккаб турнир"  2 22:59Виталий Левченко: "Динамо"нинг турнир жадвалида биздан юқори эканлиги футболчиларга қўшимча мотивация берди"  5 22:25Осиё Кубоги саралаши. Ўзбекистон аёллар терма жамоаси Лаос дарвозасига еттита жавобсиз тўп киритди  6 22:19"Милан" 20 млн евродан зиёдга Италия термаси футболчисини сотиб олади  1 22:14Ўзбекистон кубоги. Чорак финалнинг барча иштирокчилари аниқ!  2 21:58Суперлига. "Нефтчи" қолдирилган ўйинда "Динамо"ни ишончли ҳисобда ютиб, 3-ўринга кўтарилиб олди  55

Том Саинтфит: "Ўзбекистонда иқтидорли футболчилар кўп" News

Том Саинтфит: "Ўзбекистонда иқтидорли футболчилар кўп"

Гамбия терма жамоаси бош мураббийи Том Саинтфит Қатарда бўлиб ўтаётган футбол бўйича Жаҳон чемпионати ҳақидаги фикрлари билан ўртоқлашди.

"Жаҳон чемпионати жуда қизиқ ўтмоқда. Гуруҳ босқичида унчалик сермаҳсул бўлмаган ўйинлар жуда кўп бўлди. Лекин футбол савияси жуда яхши. Мен учун мураббий сифатида фикрлаш учун жуда кўп воқеликлар тақдим этилди. Ҳозиргача энг яхши жамоалар Франция ва Бразилия, аммо энг яхши мураббийлар Фернанду Сантуш ва албатта Луи Ван Гал. Ван Галда аввалгидек ёрқин ўйинчилар йўқ, аммо тактик жиҳатдан унинг жамоаси деярли мукаммал ўйнайди. Ишончим комилки, плей-оффда бизни яна кўплаб ёрқин ўйинлар кутиб турибди. Мен Луи касаллик билан курашаётганини биламан. Аммо у ҳозир қилаётган иши шунчаки қаҳрамонлик", – дея гап бошлади бельгиялик мураббий.



- Ушбу чемпионатдаги Осиё жамоалари ҳақида нима дея оласиз?

- Осиё футболи ривожланмоқда ва ўйлайманки, Жаҳон чемпионатида бу минтақадан кўпроқ жамоа иштирок этиши керак. Бу ерда 6 та жамоа ўйнади, Қатардан ташқари ҳамма жуда қизиқарли футбол кўрсатди. Германия ва Испания каби "йиртқич"ларни мағлуб этган Япония жамоасининг жуда юқори сифатли ўйинини алоҳида эътироф этиш мумкин. Кеча эса Хорватияга пенальтилар сериясида мағлуб бўлишди. Корея ва Австралия терма жамоалари ҳам плей-оффга йўлланма олди. Эрон ва Саудия Арабистонида имконият бор эди. Лекин Осиёда бошқа кучли жамоалар бор. Масалан, Ироқ ва Ўзбекистон.

- Ўзбекистон футболи билан танишмисиз? 

- Ҳа, мен бу жамоани анчадан бери кузатиб келаман. Бу мамлакатда иқтидорли футболчилар кўп, лекин ҳар сафар Жаҳон чемпионатига чиқишига оз қолади. Балки гап тактик хатолар ва ишни ташкил этишдадир. Балки мураббий баъзан нотўғри тайинлангандир ёки танлашда адашишгандир. Қўшни Қирғизистонда маҳаллий ўйинчиларни тайёрлаш учун кучли база йўқ, улар Европа футболида яхши маълумотга эга бўлган футболчиларни жалб этиш йўлини тутдилар ва бу ўз самарасини берди. Ана шундай ўйинчилардан бири Эдгар Бернхардт Германия ва Нидерландияда ишлаганимда кўп йиллар қўл остимда ўйнаган. Ўзбекистонда Европа лигаларида ҳаракат қиладиган футболчилар кўп бўлиши керак.

Маълумот ўрнида айтиш жоиз, Қирғизистон терма жамоаси амалдаги мураббийи Александр Крестинин ишлагунга қадар ФИФА рейтингида 203-поғонада эди, ҳозир эса 95-ўринни банд этиб турибди.



- Африка ва Осиёнинг турли терма жамоалари билан кўп ишлагансиз. Осиёга қайтишни тасаввур қила оласизми?

- Нега йўқ. Менинг орзум – Жаҳон чемпионатига чиқишни мақсад қилган жамоа билан ишлаш. Ҳозир Гамбия билан шартномам бор. Биз Африка Кубогида 16-ўринни эгалладик, бу камтарона имкониятларга эга жамоа учун жуда яхши натижа. Аммо келажакда катта мақсадларни қўйган бошқа жамоада ишлаш имконияти бўлса, чакки бўлмасди.


Мирон Гойхманн суҳбатлашди

Rating: +5   

Comments

championat.asia
< show latest news
Яндекс.Метрика