Тите Трампнинг кесатиғига жавоб берди
11 sep 2018 14:59
News

Тите Трампнинг кесатиғига жавоб берди

Бразилия терма жамоаси бош мураббийи Титега АҚШ президенти Дональд Трампнинг ФИФА раҳбари Жанни Инфантино билан учрашувдаги гаплари ёқмади.

Президент Оқ уйдаги учрашувда журналистнинг пентакампеонлар ҳақидаги саволига қуйидагича жавоб берган: "Футбол мамлакати? Яқинда сизларда бу борада муаммолар бор эди".

Трамп бу гапи билан бразилияликларнинг ЖЧ-2018даги муваффақиятсиз иштирокига ишора қилди. Бразилия терма жамоаси Бельгияга мағлуб бўлиб (1:2), мундиални чорак финалда тарк этган эди.

"Трампга жавобим шундай: Биз беш карра жаҳон чемпионимиз. У тарихни ўргансин" - дейди Тите.

Бразилия терма жамоаси 1958, 1962, 1970, 1994 ва 2002 йиллардаги мундиалларда ғолиб бўлган.

Link :

Source : Sky Sports

Receive latest football news directly on your phone. Subscribe for our Telegram channel!

Rating: +15