Тен Ҳаг Роналду "Тоттенхэм"га қарши захирадан майдонга тушишни хоҳламаганини тасдиқлади

Бу ҳақда “Манчестер Юнайтед” бош мураббийи Эрик тен Ҳаг маълум қилди.

19 октябрь куни "Манчестер Юнайтед" Англия чемпионати 12-турида "Тоттенхэм"ни 2:0 ҳисобида мағлуб этди. Роналду финал ҳуштаги чалингунча стадионни тарк этди, жамоадошлари ғалабани нишонлашаётганда у кийиниш хонасида бўлмаган. 20 октябрь куни “Манчестер Юнайтед” матбуот хизмати жамоа мураббийлар штаби португалияликни “Челси”га қарши ўйинда иштирок этишдан четлаштиришга қарор қилгани ҳақида ёзди.

"Ҳа, Роналду "Тоттенхэм"га қарши майдонга тушишдан бош тортди. Бунинг оқибатлари бўлиши керак. Бу жамоа руҳи учун муҳим", – деди тен Ҳаг.

"The Athletic" портали хабарига кўра, Роналду кейинги уч кун давомида якка тартибда шуғулланади.