Тарихда қолган четлатишлар

2018 йил. Буффон “Реал” билан ўйинда
Чемпионлар Лигаси 1/4 финал жавоб учрашувида бундай камбэкдан сўнг, учрашувнинг сўнгги дақиқалари эканини инобатга олиб ҳакам қизил карточка бермаса бўларди. Албатта, Бенатия ўша вазиятда Васкесга нисбатан агрессив ҳаракат қилиб бекор қилди. Бу борада фикрлар иккига бўлинди. Аммо мақсадга етай деганда ҳакам пенальти белгилаганига Жанлуижжи чидай олмади ва “портлади”. Натижада ҳакам Буффонга қизил карточка кўрсатди ва уни ҳайдаб чиқарди. Роналду эса пенальтидан адашмади ва “Реал” ярим финалга чиқа олди. Энди қанча баҳслашсак ҳам натижа ўзгармайди.

Бу ўйин айниқса, қизил карточка тарихга кириши аниқ. Буффон катта эҳтимол билан ЕЧЛдаги сўнгги ўйинини ўтказди. Кетар чоғи эса бир вақтлар бир клубда ўйнаган ва яқин дўсти Зидан каби “калла қўйиш”и унга хотира бўлиб қолди холос.  

Шу ўринда биз футбол тарихидаги бошқа энг шов-шувли четлатишларни ёдга оламиз.

2010 йил. Луис Суарес Гана термасига қарши ўйинда
Қўшиб берилган вақт, ЖАРдаги Жаҳон Чемпионати чорак финал ўйини. Гана Уругвай термасига қарши кураш олиб бормоқда ва ғолибга ЖЧ медаллари насиб этади. Ҳисоб 1:1, муросасиз беллашув. Сўнгги сонияларда африкаликлар ниятларига эришишга жуда яқин эдилар. Зарба, тўп дарвозага учиб кетаётганди... Аммо Луис Суарес қўли билан тўпни қайтариб қолади ва гол бўлмайди. Қизил карточкага "сазовор" бўлган футболчи орадан бир-икки дақиқа ўтгач, майдон ташқарисидан Гьяннинг зарбаси Муслера қўриқлаётган дарвоза тўрига бориб тушмаганига гувоҳ бўлади. 

Бу орада Суарес фарзанд кутаётган турмуш ўртоғи билан ҳам “смслашишга” улгуради. Футболчи аёлидан вахима қилмасликни сўрайди ва барчаси яхши бўлишини айтади.

Натижада айёрона ҳаракат иш беради ва Уругвай ярим финалга чиқади. Аммо у ерда жамоа Голландия термасига ютқазади. Орадан бир ой ўтиб – 5 августда Луис қиз фарзандли бўлади.

 
1998 йил. Бекхэм Аргентинага қарши ўйинда
Бу қадар симулянт ва рақиблар жиғига тегадиган Симеонедан қанақасига бунчалик кучли мураббий чиқиши мумкин? Бунга ҳеч ким жавоб топа олмаса керак. Футболчилик вақтида Диего кўпинча жанжалларни бошлаб, рақибларга тинчлик бермасди. Шунга ўхшаш вазиятларнинг бири Бекхэмнинг тарихий четлатилиши билан тугаган. Франциядаги ЖЧ Аргентина ва Англия тўқнашуви. Симеоне ҳали йиқилиб улгурмасдан ҳакамдан Бекҳемни хавфли ўйнагани учун четлатишни сўрай бошлайди.

Натижада, ўйин ҳисоби қизил карточка берилаётгандагидек 2:2 ҳолича қолади. Пенальтилар сериясида эса инглизлар анъанага мувофиқ мағлуб бўлишади. Футбол лотореясида Бекҳэм жамоасига катта ёрдам бера олмаслиги мумкин эди. Аммо унга сариқ карточка кўрсатиш билан чекланиши мумкин эди. Ўшанда футболчи уйига қайтганда, худди ҳаммасига ёлғиз у айбдордек қарамаган бўлишармиди?! Ўйин қоидаси бузилганди, бироқ қизил карточка... Бунда Симеоненинг ҳиссаси катта!

2006 йил. Руни Португалия билан “жангда”
Инглизлар — Жаҳон Чемпионатларининг энг омадсиз иштирокчиларидан биридир. Чорак финал учрашувида ҳисоб 0:0, Уэйн Карвалью ва Пети билан баҳсда оёқда тура олди, аммо беҳосдан Рикардунинг нозик нуқтасини босиб олади. Бу вазиятда сариқ карточка тўғрироқ қарор бўларди. Сабаби Руни рақибини кўрмаётганди. Аммо вазиятга Роналду қўшилади ва ҳакам Рунига қизил карточка кўрсатади.

Криштиану ва Уэйн ўзаро муносабатлари бузилмади, аммо ўша чемпионатдан сўнг, Криштиануни Англияда ўзига хос равишда кутиб олишади.

2011 йил. Ван Перси “Барселона”га қарши
Кьеллини яқинда “Реал” ва “Бавария”да учрашувида ҳам ҳакамлар ўйиндан ташқари ҳолатларни кўргиси келмаганини таъкидлади, аммо “Барселона”нинг УЕФА ҳакамлари билан боғлиқ ўз тарихи бор. Мисол учун, етти йил олдин Гвардиоланинг жамоасига навбатдаги финал йўлида ҳакамлар кўмаклашиб юборишади. “Арсенал” Лондонда 2:1 ҳисобида зафар қучади, жавоб ўйинида Бускетс ўз дарвозасини ишғол қилиб қўяди, лекин орадан кўп ўтмай, ван Перси ҳакам ҳуштак чалганидан сўнг, ҳужумни якунлаб, дарвозага зарба бергани учун Бузакка футболчига қизил карточка кўрсатади. Голландиялик трибуналар шовқинида ҳуштакни эшитмай қолган ва унинг зарбаси ҳам ўзи унчалик кучли, бир рақибга зарар етказиш ёки зарда билан амалга оширилмаганди. Бундай ҳолларда иккинчи сариқ карточка кўпинча кўрсатилмайди.

Натижада камчилик бўлиб қолган “Арсенал”нинг кучи рақиб ҳужумларига дош бера олмади. Аввалига Хави гол урган, кейин эса Месси пенальтидан дубльга эришади. Каталонияликлар ўша ўйинда яхшироқ ҳаракат қилган, аммо нега ҳакамлар арзимаган жойда “Арсенал”ни камчиликда қолдиришга қарор қилишган экан?

2006 йил. Зидан “калла қўйган” кеча
Матерацци соф италян тилида “ширин” сўзларни айтишни жуда яхши билади. Зидан кўплаб ҳужум вакиллари сингари, ўз манзилига сўкинишларни эшитган. Аммо бу сафар гапга Зинединнинг синглиси қўшилганди. Ортиқча гаплари учун Зидан Маркони аяб ўтирмади. Ҳимоячи майдонга қулаб тушди. Суҳбат тафсилотларини футболчилар узоқ вақт тилга олишмаган. Лекин кейинроқ Матерацци бўлган гапни айтиб берган ва бу Зидан амалга оширган ҳаракатларга арзимаслигини таъкидлаган. Бу борада Зинединнинг фикри бошқачароқ эди.

Натижада Жаҳон Чемпионати финал ўйини 109-дақиқасида Франция жамоа сардори ва етакчисисиз қолади. Зидан шу тариқа фаолиятини якунлайди. Италия эса Жаҳон Кубогига эга чиқади.

Албатта, Зидан бу рўйхатда “энг зўри”, унга атаб ҳайкал ҳам қўйишган. Лекин ҳар биримизнинг ёдимизда қолган ўзига хос воқеалар бор. Сиз шунга ўхшаш четлатишлардан қайсиларини эътироф этган бўлардингиз?

Нозима Зарипова таржимаси