Суперлига. Тур футболчиси - Дониёр Нарзуллаев
16 jun 2020 14:30
News

Суперлига. Тур футболчиси - Дониёр Нарзуллаев

Узоқ танаффусдан кейин қайта бошланган Coca Cola Суперлигада 4-тур учрашувлари ўз ниҳоясига етди.

Аввалроқ тур рамзий терма жамоасини эълон қилган эдик. Энди эса кетма-кетликда тур лауреатларини бериб бораяпмиз.

Суперлига. Тур мураббийи - Улуғбек Бақоев

Lokomotiv

Superliga. Round 4

15/06/2020, 19:00

Finished

Metallurg

Abror Toshqoziyev - 58', Shakhzod Ubaydullayev - 66', Salamat Qutiboev - 71'

45'

90'

Open in Match Center

Ортда қолган 4-турнинг энг яхши ўйинчиси деб "Металлург" ярим ҳимоячиси Дониёр Нарзуллаев топилди. Дониёр кеча ўзига хос натижа қайд этди. Яъни, голли пас бериш борасида хет-трик қилди. "Металлург"нинг "Локомотив" дарвозасига киритган ҳар уччала голига ҳам айнан у пас берди. Ички чемпионатларимиз тарихида биринчи марта "Металлург" футболчиси бир ўйинда учта голли пас берди. Суперлигада эса охирги марта 2019 йилнинг 19 октябрида "Пахтакор" ярим ҳимоячиси (ҳозирда "Сурхон" аъзоси) Ҳусниддин Ғофуров "Динамо"га қарши сафардаги беллашув (4:1)да учта голли пас берганди.

Шу тариқа, бир ўйинда учта самарали тўп узатишни амалга оширган Дониёр Нарзуллаев 4-турнинг энг яхши футболчиси деб тан олинди. Маълумот учун, Нарзуллаев 2014-2019 йиллар оралиғида "Насаф" таркибида 82та ўйинда майдонга тушган (шундан 25тасида тўлиқ ўйнаган) ва 5та голли пас берган.

Айни пайтга келиб Суперлига-2020 ассистентлари пойгаси қуйидагича кўриниш олган:

Аббос Ғуломов ("Навбаҳор") 3та голли пас
Дониёр Нарзуллаев ("Металлург") 3та
Шерзод Каримов ("Сурхон") 2та