Спалетти "Наполи"ни тарк этади. Де Лаурентис буни тасдиқлади: “У дам олмоқчи эди. Қандай қилиб мен унга рад жавобини беришим мумкин?"

"У - эркин инсон. Агар кимдир сизга ишдан бир йил танаффус қилмоқчи эканлигини айтса, уни қўйиб юборишингиз тўғри бўлади. Спалеттининг биз билан яна бир йиллик шартномаси бор, бироқ у бизни чемпион қилганидан сўнг қандай қилиб мен йўқ деган жавобни беришим мумкин. У олдимга келди ва бор кучини берганини айтди. Мен ундан миннатдорман",-деди "Наполи" президенти.

Эслатиб ўтамиз, жорий мавсумда Лучано Спаллетти бошчилигидаги “Наполи” 33 йиллик танаффусдан сўнг илк бор Италия чемпионига айланди.