Ўзбекистонга қарши ўйин олдидан Уругвайда жиддий йўқотиш
13 oct 2025 15:20
News

Ўзбекистонга қарши ўйин олдидан Уругвайда жиддий йўқотиш

Футболчи даволаниш учун клуб ихтиёрига қайтиб кетди.

Бугун Малайзиянинг Малакка шаҳрида Уругвай ва Ўзбекистон терма жамоалари ўртасида ўртоқлик учрашуви ўтказилади.

Жанубий Америка жамоаси ФИФА кунларидаги илк ўртоқлик ўйинида Доминикан Республикасини 1:0 ҳисобида мағлуб этди.

Мазкур беллашувнинг 51-дақиқасида уругвайлик ҳужумчи Агустин Мартинес жароҳат туфайли майдонни тарк этишга мажбур бўлди.

Уругвай футбол ассоциациясининг баёнот беришича, "Монца" футболчиси даволаниш учун Италияга, клуб ихтиёрига қайтиб кетди.

Шу тариқа, 24 ёшли ҳужумчи Ўзбекистонга қарши ўйинда иштирок эта олмайди.

Эслатиб ўтамиз, Ўзбекистон - Уругвай учрашуви бугун, Тошкент вақти билан соат 17:45да бошланади.

Link :

Source : Уругвай футбол ассоциацияси

Receive latest football news directly on your phone. Subscribe for our Telegram channel!

Rating: +1