Шомуродов "Championat.asia" учун махсус: "2019 йилнинг ёзида "Штутгарт"дан аниқ таклиф бор эди, бугун А Сериядаман"

"Бугун А Серия жамоаси - "Женоа" билан шартнома имзоладим. Албатта, "Ростов" раҳбариятига миннатдорчилик билдиришим керак. Ўзлари хоҳлашмаган бўлса ҳам, мени қўйиб юборишди. "ProSportsManagement" агентларига ҳам махсус раҳмат айтишим керак, айнан агентларим бу трансфернинг ҳаракатлантирувчи генератори бўлишди. Улар билан ҳамкорлигимизнинг аввалида мен Европанинг топ-чемпионатларида ўйнашни хоҳлашим ҳақида айтганман. Агентлар стратегия, аниқ режа тузишди. Бу мақсадни амалга ошириш учун дастлаб Ўзбекистон чемпионатидан кучлироқ бўлган РПЛда ўйнашим керак эди. Йигитлар ҳар доим мен ва оилам ёнида бўлишди. Клубим ва фаолиятимга ҳурмат билан қарашди.

2019 йилнинг ёзидаёқ "Штутгарт" ва бошқа клублардан аниқ таклифлар  бор эди. Ниҳоят, бугун А Серия вакили билан шартнома имзоладим. Бу мен учун катта чақириқ, ўзбек футболи учун олдинга ташланган улкан қадам! Энди "Женоа"нинг мухлислари сони 32 миллионга кўпайди".

Шомуродов "Женоа"даги илк машғулотини 5 октябрь куни ўтказади