Шароф Муҳитдинов: “Стадионга келиб, қўллаб-қувватлаган мухлисларга раҳмат. Кубок ҳаммамизники”

Кайфият аъло даражада. Худога шукур, ғалаба қозондик. Ўйин жуда қизиқарли бўлди, деб ўйлайман. Стадионга келган мухлисларга катта раҳмат. Ишқибозларни 12-ўйинчи, дея таърифлашади. Қўллаб-қувватлашгани учун миннатдорчилик билдирамиз. Кубок барчамизники.

- Бугун чап қанотда латераль вазифасини бажардингиз. Ҳам Даврон Ҳошимов, ҳам Асад Собиржоновга қарши ўйнашингизга тўғри келди. Бу сизга қийинчлик туғдирмадими?

- Уларга қарши олдин ҳам ўйнаганмиз. Учрашувдан олдин теория бўлади бизда ва ким қандай кучга эгалигини кўриб чиқамиз. Бизга рақибнинг фарқи йўқ, кимга қарши ўйнашимиз ҳам. Муҳими эса ғалаба қозондик, юзимиз ёруғ бўлди. Худо хоҳласа чемпионликка (Суперлига ҳақида) ҳаракат қиламиз.

Фахриддин Рўзиев ёзиб олди