Роналду, Месси ва Неймар "Инстаграм"да битта реклама учун қанча пул олади?

Инглиз нашри беш футболчи - Криштиану Роналду, Неймар, Лионель Месси, Дэвид Бекхэм ва Гарет Бэйлларнинг "Инстаграм"даги битта реклама пости қанча туришини маълум қилди.

Роналдунинг расмий "Инстаграм" саҳифаси 136 миллион ўқувчига эга бўлиб, реклама сифатида суратни жойлаштириш 750 минг доллар туради.

Кейинги ўрин ПСЖ форварди Неймарга тегишли. Роппа-роса 100 млн. фолловери бор бразилиялик битта пост учун 600 минг доллар талаб қилади.

5 карра "Олтин тўп" соҳиби Лионель Месси бу хизмат учун 500 минг доллар олади.

4 ва 5-ўринларни Дэвид Бекхэм ва Гарет Бэйл эгаллаб турибди. Уларнинг саҳифасида сурат чоп этиш 300 минг ва 185 минг долларни ташкил қилади.