"Рома" Ўзбекистон терма жамоаси дарвозасига иккита гол урган ҳимоячи билан музокарани бошлади
05 jan 2021 16:39
News

"Рома" Ўзбекистон терма жамоаси дарвозасига иккита гол урган ҳимоячи билан музокарани бошлади

Туркия терма жамоаси ва "Лилль" клуби ҳимоячиси Зеки Челик фаолиятини Италия А сериясида давом эттириши мумкин.

Бу ҳақда "Sky Sport Italia" хабар берди. Ўйинчи билан "Рома" музокараларни бошлади. Челик жорий мавсум барча мусобақаларда 15та ўйин ўтказди. Франциянинг "Лилль" клуби ўнг қанот ҳимоячиси учун 15 миллион евро олмоқчи.

Эслатиб ўтамиз, 2019 йилнинг 2 июнь санасида Туркия ва Ўзбекистон терма жамоалари ўртасидаги ўртоқлик ўйинида айнан Челикнинг дубли туркларга 2:0 ҳисобидаги ғалабани келтирганди.