Рэмсдейлни тепган "Тоттенхэм" мухлиси ўйинларга киришга тўрт йиллик таъқиқ, бир йил мажбурий жамоат ишларига жалб қилиш билан жазоланди

"Арсенал" ва "Тоттенхэм" ўртасидаги учрашув якунланганидан кейин "шпорлар" мухлиси "Арсенал" дарвозабони Аарон Рэмсдейлни тепиб, қочиб кетганди. 

Бугун ушбу воқеани содир этган 35 ёшли бар ишчиси Жозеф Уоттс суд олдида жавоб берди. Уоттс ўз айбига иқрор бўлди. 

Якунда ушбу мухлисни 12 ойлик мажбурий жамоат ишларига жалб қилишга ҳукм чиқарилди. Шу билан бирга, мухлис Аарон Рэмсдейлга 100 фунт тўлайди. Бу ҳам етмагандек, тартибсиз мухлис 4 йил футбол ўйинларига кира олмайди ва 150 соатлик бепул меҳнат қилиш мажбуриятини ҳам бўйнига олади.