Равшан Эрматов: "Англия чемпионати нимаси билан қизиқ?"
15 nov 2017 11:40
News

Равшан Эрматов: "Англия чемпионати нимаси билан қизиқ?"

ФИФА рефериси Равшан Эрматов Ўзбекистон Футбол Федерацияси томонидан ўзбек футболини савиясини ошириш борасида амалга оширилаётган ислоҳотлар, миллий чемпионат форматидаги ўзгаришлар ҳақида ўз фикр ва мулоҳазаларини билдириб ўтди.

“Келаси йилдан бошлаб миллий чемпионатимизда 12та клуб иштирок этиши борасида Профессионал Футбол Лигаси томонидан қарор қабул қилинди. Бу янги формат Олий лига клублари ўртасидаги рақобатни янада оширади. Рақобат бор жойда эса ўсиш бўлади ва сифат ҳам ошади. 12талик форматда жамоалар учун осон ўйинларни ўзи бўлмайди.

Кўплаб футбол мутахассислари ва футбол мухлислари томошабоплиги борасида Англия чемпионатини дунёда биринчи ўринга қўйишади. Бу чемпионат нимаси билан қизиқ? Охирги ўриндаги жамоа ҳам етакчини мағлубиятга учратиши мумкин. Шундай ўйинлар бизда ҳам кўпайса, мухлислар ҳам стадионларни тўлдириб ўтиришади. Англия чемпионати ҳам ўз-ўзидан томошабоп бўлиб қолмаган. Улар ҳам секин-аста бунга эришишган.

12талик форматда жамоалар учун осон ўйинларни ўзи бўлмайди.

Шунинг учун ҳам Ўзбекистон Футбол Федерацияси томонидан амалга оширилаётган бу ислоҳотлар, миллий чемпионатимиз форматининг ўзгариши томошабоп ва қизиқарли футболнинг бошланиши бўлиб хизмат қилишига ишонаман”.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +20