Расмий хабар: "Пахтакор" футболчиси "Навбаҳор"га ўтди
06 feb 16:53
News

Расмий хабар: "Пахтакор" футболчиси "Навбаҳор"га ўтди

“Навбаҳор” қишки трансфер “ойнаси”дан самарали фойдаланган ҳолда, ўз таркибини маҳоратли футболчилар билан тўлдиришда давом этмоқда.

Шундай ўйинчилардан бири, маҳоратли ҳужумчи Пўлатхўжа Холдорхонов жамоа таркибига қўшилди. Мазкур футболчи 2003 йил, 6 июлда Наманган вилояти, Косонсой туманида туғилган.

Фаолияти давомида Тошкентнинг “Пахтакор” (2021, 2023-2024 йиллар) ва “Олимпик” (2022 йил) жамоаларида тўп тепган.

Пўлатхўжа Холдорхонов Ўзбекистоннинг турли ёш тоифаларидаги терма жамоаларда ўйнаган ва Ўзбекистон U-20 ёшлар жамоаси таркибида 2023 йили Осиё чемпиони бўлган, шунингдек, Ўзбекистон U-23 олимпия терма жамоамизнинг зафарларига ўзининг муносиб ҳиссасини қўшган.

Биз жамоамизнинг янги футболчисига "Навбаҳор”да омад ёр бўлиб, “лочинлар”нинг ғалабаларига муносиб ҳиссасини қўшишига тилакдошмиз", - деб ёзади "Навбаҳор" матбуот хизмати.

Эшитдик-да! "Навбаҳор" жамоаси "Пахтакор" футболчисини ўз сафига қўшиб олди

Link :

Source : "Навбаҳор” матбуот хизмати

Receive latest football news directly on your phone. Subscribe for our Telegram channel!

Rating: +6