Расмий хабар. Ўзбекистон миллий терма жамоаси Канада билан ўртоқлик учрашуви ўтказади
16 apr 2016 14:25
News
![](https://championat.asia/upload/storage/205021_original.jpg)
![](/upload/storage/205021_220.jpg)
Расмий хабар. Ўзбекистон миллий терма жамоаси Канада билан ўртоқлик учрашуви ўтказади
Ўзбекистон Футбол Федерацияси ҳамда Канада Футбол Ассоциацияси шу йилнинг 7 июнь санасида Австрияда миллий терма жамоаларнинг ўзаро назорат учрашуви ўтказиши борасида келишувга эришди.
Таъкидлаш керакки, ҳар икки терма жамоа Жаҳон Чемпионати-2018 йўлланмаси учун курашни давом эттирмоқда. Ўзбекистон миллий терма жамоаси Осиё қитъаси иккинчи саралаш босқичи “H” гуруҳи ғолиби сифатида саралашнинг финал босқичига йўл олган 12 терма жамоанинг бирига айланди. Учинчи босқич учун ташланган қуръа натижаларига кўра “А” гуруҳидан ўрин олган Самвел Бабаян шогирдлари Эрон, Жанубий Корея, Хитой, Қатар ҳамда Сурия билан мундиал йўлланмаси учун кураш олиб боради.
Канада терма жамоаси эса Жаҳон чемпионати 2018 саралаши доирасида сентябрь ойида бўлиб ўтадиган Гондурас ва Сальвадор терма жамоаларига қарши ўйинларга тайёргарлик кўрмоқда.
Ўзбекистон билан ўйинга қадар, 3 июнь куни Канада терма жамоаси Озарбойжон билан ўртоқлик учрашуви ўтказади.
Similar news
![AMP Logo](https://championat.asia/image/logo-amp.png)
Comments