Расман: Саломон Рондон Рафаэль Бенитеснинг клубига ўтди
19 jul 2019 12:57
News

Расман: Саломон Рондон Рафаэль Бенитеснинг клубига ўтди

"Вест Бромвич" ҳужумчиси Саломон Рондон Хитойнинг "Дальянь Ифан" клубига ўтди.

Бу ҳақда инглиз клуби матбуот хизмати хабар бермоқда.

29 ёшли Рондон фаолиятини Венесуэланинг "Арагуа" клубида бошлаган. У "Вест Бромвич"га қадар "Лас Пальмас", "Малага", "Рубин" ва "Зенит клубларида ўйнаган.

"Вест Бромвич" ҳужумчини 2018/2019 йиллар давомида "Ньюкасл"га ижарага берган.

Футболчи айнан ўша ерда Рафаэль Бенитес билан бирга ишлаган.

Форвард 2008 йилдан буён Венесуэла терма жамоаси шарафини ҳимоя қилиб келмоқда.