"Вест Хэм" Поттер ўрнига Лэмпардни тайинлаши мумкин. Ҳозирда мутахассис Чемпионшипнинг "Ковентри" клубида ишламоқда

Football Insider хабарига кўра, Лондон клуби бундай имкониятни ўрганмоқда.

Лэмпард ҳозирда Чемпионшипнинг "Ковентри" клубини бошқармоқда. Жамоа ўтган мавсумда жадвалнинг қуйи ярмидан кўтарилиб, бешинчи ўринни эгаллаган эди.

Қайд этилишича, мураббий ҳозирги клубдаги вазиятдан мамнун, аммо Премьер-лигадан таклифни кўриб чиқади.

"Вест Хэм" АПЛ жорий мавсумида 4 ўйинда 3 очко жамғариб, 18-ўринни эгаллаб турибди. Поттер клубни 2025 йилнинг январидан буён бошқариб келмоқда.

Эслатиб ўтамиз, Лэмпард "Вест Хэм" сафида Премьер-лига ўйинчиси сифатида 1996 йилда дебют қилган. У клуб сафида барча мусобақаларда 187 та ўйин ўтказган.