Расман: Ўзбекистон терма жамоаси ушбу ойда Россия ва Қозоғистон билан ўйин ўтказади

"Ўзбекистон миллий терма жамоаси 13 ноябрь куни Тошкентда навбатдаги ўқув-машғулот йиғинларига киришади. Йиғин доирасида жамоамиз 2 та ўртоқлик учрашувида иштирок этиши режалаштирилган. 

Дастлабки ўйин 16 ноябрь санасида Қозоғистон терма жамоасига қарши бўлиб ўтишини маълум қилгандик. Шунингдек, Сречко Катанец шогирдларининг 20 ноябрь кунги рақиби ҳам маълум. Футболчиларимиз Россия терма жамоасига қарши майдонга тушадилар. 

Учрашув «Пахтакор» стадионида соат 17:00 да старт олади", — дейилади ассоциация хабарида.

Эслатиб ўтамиз, олдинроқ сайтимиз томонидан Ўзбекистон МТЖнинг Россия билан 20 ноябрь куни ўйин ўтказиши ҳақида маълум қилган эдик.