Расман: "Локомотив" Тожикистон термаси аъзоси билан шартнома тузди
23 dec 2022 16:20
News

Расман: "Локомотив" Тожикистон термаси аъзоси билан шартнома тузди

Янги мавсумда жиддий мақсадларни кўзлаётган "Локомотив" ўз сафига истеъдодли ҳужумчини қўшиб олди.

Тожикистон миллий ва олимпия терма жамоаси аъзоси Рустам Соиров бугун клуб билан шартнома имзолади.

Маълумот учун, Рустам Соиров 2002 йил 12 сентябрда Тожикистон пойтахти Душанбеда таваллуд топган. Амплуаси – ҳужумчи.

У "Истиқлол" клуби тарбияланувчиси ҳисобланади. У мазкур жамоа билан Тожикистон чемпиони, Кубок ва Суперкубок соҳиби бўлишдан ташқари Осиё Чемпионлар Лигаси ҳамда ОФК Кубогида ҳам иштирок этган.

Ўтган йил Соиров Тожикистон Суперлигасида 15 та гол уришга муваффақ бўлган. Бунгача Эстониянинг "Левадия" клубида фаолият олиб борган. Эндиликда эса "темирйўлчилар" шарафини ҳимоя қилади.

Аввалроқ "Эшитдик-да" рукни остида "Локо" тожикистонлик ҳужумчи хизматларига қизиқиш билдираётгани ҳақида маълум қилган эдик.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +5