Расман: Эмре Белозоғлу футболчилик фаолиятини якунлади

Марказий ярим ҳимоячи бутсаларини 39 ёшда михга илишга қарор қилди.

Эмре 2019 йилнинг ёзида учинчи бор “Фенербаҳче” аъзосига айланганди. У ўтган мавсум 26 ўйинда қатнашиб, учта гол уришга эришган.

Хавбек "сариқ тўтиқушлар"дан ташқари, “Галатасарой”, “Истанбул”, “Интер”, “Ньюкасл”, “Атлетико” (Мадрид) клублари шарафини ҳам ҳимоя этган эди.

Белозоғлу Туркия терма жамоаси сафида 101 ўйинда майдонга тушиб, 9 бор рақиблар дарвозасини ишғол этган ва 2002 йилги мундиалда бронза медалини қўлга киритган.

2019 йилнинг 2 июнь санасида Эмре Белозоғлу Ўзбекистон МТЖга қарши (2:0) ўйинда майдонга тушган ва баҳс олдидан "Интер"да (2001-2003) бирга фаолият олиб борган собиқ устози Эктор Купер билан кўришганди.