Қозоғистоннинг "Иртиш" клуби Туркия йиғинини якунлади
22 jan 2014 11:34
News

Қозоғистоннинг "Иртиш" клуби Туркия йиғинини якунлади

8 январдан Туркиянинг Анталия шаҳрида машғулотларни бошлаган Павлодарнинг "Иртиш" клуби бугун ушбу йиғинни тугатди.

Улуғбек Бақоев, Камолиддин Мурзоев ва Шавкат Саломов каби нафар ҳамюртимиз фаолият олиб бораётган клуб бу йиғин доирасида учта назорат учрашувини ўтказди.

14 январь куни "Иртиш" Трабзон шаҳрининг "Дюзюрт" клуби билан ўйнади. 2:0 ҳисобида якунланган баҳсда Аверченко ва Камолиддин Мурзоев гол уришди.

18 январда "Сариер" жамоасига қарши учрашувда эса "Иртиш" мағлуб бўлди - 1:2. Қозоғистон сафида ягона голни Постников урди.

Сўнгги назорат учрашуви эса Россиянинг "Нефтехимик" клубига қарши ташкил этилди. 21 январь куни бўлиб ўтган баҳсда павлодарликлар 2:0 ҳисобида зафар қучишди. Ҳисобни Улуғбек Бақоев очди, иккинчи гол бўлган вазиятда эса айнан Бақоевнинг зарбасидан сўнг ҳимоячи ўз дарвозасини ишғол этиб қўйди.

Бугун "Иртиш" Қозоғистонга қайтади ва футболчиларга бир ҳафталик дам берилади. 28 январдан жамоа яна Туркияда йиғинни бошлайди.

Link :

Source : championat.asia

Receive latest football news directly on your phone. Subscribe for our Telegram channel!

Rating: