“Қўқон-1912”: Сўнгги йиғин Тошкентда ўтади

“Вилоят Ҳокими кубоги-2016”даги сўнгги учрашувдан кейин футболчиларга қисқа муддатли таътил берилди. Айтиш жоизки, тайёргарлик режасига ўзгартириш киритилди. Аввалги режага кўра, футболчиларимиз Тошкентдаги йиғинни 10 февраль куни бошлашлари кўзда тутилган эди.

Жамоамиз аъзолари 8 февраль куни Тошкентда тўпланадиган бўлишди. Айтганча, 9 февраль куни бўлиб ўтадиган Осиё Чемпионалар лигаси саралаш босқичи доирасдаги “Бунёдкор” – “Ал Шабаб” учрашувини вакилларимиз бевосита стадионда кўзатиш имкониятига эга бўлишди.

21 февралга қадар давом этадиган мазкур йиғинда Муроджон Исмоилов шогирдлари тўртта назорат учрашувини ўтказишни режалаштиришган. Учрашувлар санаси ва рақиблар ҳақида кейинроқ батафсил маълумот берилади.