Қирғиз Республикаси терма жамоаси билан тарихий натижа қайд этган мураббий ишдан кетди
13 jun 17:53
News

Қирғиз Республикаси терма жамоаси билан тарихий натижа қайд этган мураббий ишдан кетди

Хабарингиз бор, ўтган ҳафтада Осиё қитъасида ЖЧ-2026 саралаши 2-босқич ўйинлари якунига етди.

Қирғиз Республикаси терма жамоаси ўз тарихида биринчи марта 3-босқичга йўлланмани қўлга киритди. Бундан ташқари жамоа 2027 йилги Осиё кубогида ҳам иштирок этиши аниқ бўлди.

Бироқ Қирғиз Республикаси футбол уюшмаси словакиялик бош мураббий Штефан Таркович билан хайрлашишга қарор қилди.

Таркович ушбу лавозимга 2023 йилнинг апрель ойида тайинланган эди. Мураббий 2024 йил 30 июнь кунига қадар шартнома тузган эди. ҚФУ раҳбарияти шартномани узайтирмасликка қарор қилди. Таркович билан бирга унинг штабидаги мураббийлар ҳам ўз лавозимини тарк этади.

Бугун ҚФУ раҳбари Камчибек Ташиев Штефан Таркович ва мураббийлар штаби билан учрашди. Ташиев барча мураббийларга миннатдорчилик билдирди.