Полиция кичкина Криштианунинг ҳаракати учун иш очди
14 jul 2020 12:00
News

Полиция кичкина Криштианунинг ҳаракати учун иш очди

Кичкина Криштиану ўзи мустақил равишда гидроциклни бошқарган, унинг холаси Элма эса буни видеога олган ва инстаграмга қўйган.

Душанба куни пост ўчириб ташланган эди, аммо унга қадар эса Роналду ва унинг онаси Долорес ҳам ушбу видеони жойлашган.

Видео шанба куни Мадейранинг жанубида олинган. У ерда Роналдунинг ўғли қариндошлари билан дам олаётган эди.

Полиция вакили ушбу эпизод бўйича тергов бошланганини тасдиқлади. Гидроциклни бошқариш учун махсус сертификат талаб қилинади. Бундан ташқари, фақат катталарга уни бошқаришга рухсат этилган.

Португалия қонунларига кўра, бундай қонунбузарлик учун жисмоний шахсларга 268 фунтдан 2688 фунтгача жарима солинади. Жазо одамлар гуруҳлари ёки юридик шахслар учун 10750 фунтгача оширилади.

Полиция ҳозир гидроцикл кимга тегишли эканлигини аниқламоқда.