Latest news

16:26Музаффар Музаффаров жамоаси билан тарихий натижа қайд этди   2 16:22"Милан" Рейндерснинг нархини "Манчестер Сити"га маълум қилди  0 15:57"Жирона" — "Атлетико". Таркиблар маълум  0 15:47"Арсенал" "Милан" етакчиларидан бирига қизиқиш билдирмоқда  0 15:17Расман: Хаби Алонсо — "Реал" бош мураббийи  3 14:48"Атлетик" бош мураббийи "Барселона"нинг Уильямсга қизиқиши ҳақида гапирди  3 14:12"Интер" "Рома" футболчисини харид қилмоқчи  4 13:43"Ливерпуль" бразилиялик ҳужумчи харидини кўриб чиқмоқда  0 13:05Сергей Чигодаев - Ўзбекистон U-16 терма жамоасининг CAFA U-17 кубогидаги илк ўйини ҳақида  1 12:35"Челси" икки дарвозабонни кўриб чиқмоқда  2 12:04Тен Хаг топ клубга бош мураббий бўлмоқда  7 11:23"Реал" ПСЖ юлдузини харид қилмоқчи  6 11:00Каору Митоманинг янги жамоаси деярли аниқ  3 10:34Кевин Де Брюйне “Наполи“да қанча маош олиши маълум  2 10:08“Майдонда максимал даражада кучимизни сарфлаймиз, бизда ишонч бор” - Дониёр Абдуманнопов “Сурхон”га қарши ўйин, чиройли гол ва Суперкубок ҳақида  2

Ўзбекистонлик ёш футболчилар "Футбол дўстлик учун" лойиҳасидаги иштирокларини якунлашди News

Ўзбекистонлик ёш футболчилар "Футбол дўстлик учун" лойиҳасидаги иштирокларини якунлашди

Аввлароқ, Испаниянинг Мадрид шаҳрида "Футбол дўстлик учун" лойиҳасининг Еттинчи мавсуми бўлиб ўтгани ҳақида хабар бергандик.

Мазкур лойиҳада ўзбекистонлик ёш футболчилар ҳам иштирок этишди.

Лойиҳа Европа, Осиё, Африка, Жанубий ва Шимолий Америка мамлакатларидан ташриф буюрган жами 800 нафарга яқин инсонларни бирлаштирди. Тадбирларни дунёга машҳур оммавий ахборот воситаларининг 160 нафарга яқин ходимлари ёритиб боришди.

"Футбол дўстлик учун" лойиҳаси доирасида ёш футболчилар футбол бўйича мусобақада иштирок этишди. Жаҳон ҳамжамияти нигоҳини табиатни муҳофаза қилишга қаратиш мақсадида жамоалар камёб ва йўқолиб кетиш хавфида бўлган жониворлар номлари билан аталди.

Ёш футболчилар мусобақаларда иштирок этишдан ташқари Гиннеснинг янги рекордини ўрнатишда ҳам иштирок этишди. Бир вақтнинг ўзида майдонда 57 хил миллат вакиллари машғулот олиб боришди. Бу ҳолатни GUINNESS WORLD RECORDS® компанияси ҳаками Анна Орфорд кузатиб борди ҳамда рекорд қайд этилганини тасдиқловчи сертификатни лойиҳа раҳбари, «Газпром» ОАЖ директорлар кенгаши раиси Виктор Зубковга тақдим қилди.



Бундан ташқари, лойиҳа иштирокчилари Мадрид шаҳридаги "Wanda Metropolitano" стадионида бўлиб ўтган Европа Чемпионлар лигаси финалини бевосита стадиондан томоша қилишди.

Лойиҳа доирасида болалар футболини ривожлантириш мавзусида халқаро форум ҳам ўтказилди. Ушбу форумда болалар футболидаги долзарб масалалар ҳақида сўз юритилди.

"Футбол дўстлик учун" ажойиб лойиҳа бўлиб, бу лойиҳа иштирок этишни, менимча, бутун дунёдаги болалар исташса керак. Спорт ва ижтимоий ҳаётни бирлаштирган лойиҳа ёш футболчиларга ўз истеъдодларини намоён қилиш, ҳаётда ўз йўлларини топиш ва етакчига айланиш имкониятини тақдим қилади. Мен ҳам мазкур лойиҳанинг бир қисмига айланганимдан жуда хурсандман", - деди форумда қатнашган жаҳон футболи юлдузи Роберто Карлос.



"Футбол дўстлик учун" лойиҳаси иштирокчилари энг ижтимоий футбол клубга овоз беришди. Овоз бериш натижаларига кўра Англиянинг "Ливерпуль" клуби ғолиб деб топилди. Аввалги йилларда «Барселона» (Испания), «Бавария» (Германия), «Ал-Ваҳда» (Сурия), «Реал Мадрид» (Испания) ва Бразилия терма жамоалари мана шундай сўровномада ғолиб чиқишганди.

Эслатиб ўтамиз, "Футбол дўстлик учун" лойиҳасининг Еттинчи мавсумида Ўзбекистондан Асилбек Нўъмонов, Асадбек Рўзимов, Абдулла Турсунбоев ҳамда Марина Косникова иштирок этишди.

Rating: +1   

Comments

championat.asia
< show latest news
Яндекс.Метрика