Ўзбекистон ёшлар терма жамоаси олтинчи марта Осиё чемпионатида иштирок этади
13 oct 2013 11:12
News

Ўзбекистон ёшлар терма жамоаси олтинчи марта Осиё чемпионатида иштирок этади

Кеча Алексей Евстафеев бошчилигидаги Ўзбекистон ёшлар (U19) терма жамоаси Қатарда бўлиб ўтган Осиё чемпионати саралашини муваффақиятли якунлади.

Гуруҳда иккинчи ўринни олган бўлсада ёшларимиз қитъа чемпионатига йўлланмани қўлга киритишди. Бу Ўзбекистон ёшлар терма жамоаларининг олтинчи марта (U19) Осиё чемпионатида иштирок этишини англатади.

Эътиборлиси охирги учта саралашни ёшларимиз муваффақиятли якунлай олишганди. Энди Ўзбекистон ёшлари кетма-кет тўртинчи марта қитъа чемпионатида қатнашишади.

Бунгача 2002, 2004, 2008, 2010 ва 2012 йилги (U19) Осиё чемпионатида иштирок этгандик. Ёшлар терма жамоамизнинг Осиё чемпионатларидаги энг яхши кўрсаткичи 2008 йил қайд этилган. Ўша чемпионатда Аҳмад Убайдуллаев бошчилигидаги ёшларимиз финалга қадар етиб боришганди.

Нарзулла Сайдуллаев

Link :

Source : championat.asia

Receive latest football news directly on your phone. Subscribe for our Telegram channel!

Rating: