Ўзбекистон ва Қирғизистон терма жамоалари ўзаро ўйинлар тарихи

Шу кунга қадар, икки мамлакат вакиллари ўзаро 8 маротаба тўқнаш келишган ва барча учрашувларда Ўзбекистон терма жамоаси ғалаба қозонган. Терма жамоамиз вакилларига рақиб дарвозасига 31 маротаба йўл топа олган ва бор-йўғи 4та гол ўтказиб юборган. Энг йирик ҳисобдаги ғалаба 6:0, 2007 йили қайд этилган.

Терма жамоаларнинг ўзаро дастлабки баҳси 1992 йили 23 август санасида ўтказилган. Икки терма жамоалар ўртасидаги дебют учрашувида терма жамоамиз 3:0 ҳисобида ғалаба қозонган. Сўнгги баҳс эса 2022 йили "Navruz Cup" мусобақаси доирасида ўтказилган. Наманганда ўтказилган учрашувда Ўзбекистон 3:1 ҳисобидаги ғалабани нишонлаган.

Эслатиб ўтамиз, бугунги учрашув 19:00 да "Долен Омурзаков" стадионда старт олади.