Ўзбекистон миллий чемпионатида энг кўп ўйин ўтказган футболчиларни биласизми?
09 dec 2018 15:39
News

Ўзбекистон миллий чемпионатида энг кўп ўйин ўтказган футболчиларни биласизми?

Ўзбек футболи статисти Бахтиёр Ширинов телеграмдаги ўз каналида турли қизиқарли маълумотларни бериб бормоқда.

Миллий чемпионатлар тарихида энг кўп майдонга тушган гвардиячилар хусусида айтадиган бўлсак, 2018 якунига кўра 14 футболчи 400лик маррани забт этишга эришган. Хусусан бу мавсумда гвардиячилар таркиби тўлиқ кўриниш ҳосил қилди. Энг кўп майдонга тушган футболчилар рўйхатига ва ниҳоят дарвозабон ҳам қўшилди. Игнатий Нестеров 26 май куни меҳмонда "Металлург"га қарши баҳсда ўзининг юбилей 400-учрашувида майдонга тушди. Игнатийга қадар 400лик довонни забт этганлар орасида бирорта ҳам дарвозабон йўқ эди, - деб ёзади Ширинов ўз каналида.

Ўзбекистон миллий чемпионатида энг кўп майдонга тушган футболчилар (1992-2018)

№	Футболчи	Амп.	Туғ.санаси	Ўйнаган жамоалари	Ўйин
1	Асрор Алиқулов	Ҳим	12.09.1978	Машъал, Насаф, Пахтакор, Шўртан, Динамо	520
2	Анвар Бердиев*	Ҳуж	11.05.1978	Машъал, Насаф, Нефтчи, Бунёдкор, Андижон	505
3	Ҳикмат Ҳошимов	Ҳим	12.11.1979	МҲСК, Дўстлик, Сўғдиёна, Металлург, Локомотив, Андижон, Насаф, Бунёдкор	453
4	Анвар Ғофуров*	Ҳим	14.05.1982	Сўғдиёна, Пахтакор, Навбаҳор, Динамо, Машъал, Бунёдкор, Обод	432
5	Илҳом Юнусов*	Яҳм	03.05.1982	Бухоро, Динамо, Насаф, Қизилқум	431
6	Ботир Қораев	Ҳим	08.04.1980	Насаф, Машъал, Шўртан	428
7	Игнатий Нестеров*	Дар	20.06.1983	Самарқанд-Динамо, Пахтакор, Бунёдкор, Локомотив	418
8	Вали Келдиев	Яҳм	04.10.1970	Навбаҳор, Бухоро, Сурхон, Насаф, Тўпаланг	415
9	Хайрулла Каримов	Ҳим	22.04.1978	Навбаҳор, Машъал, Насаф, Бунёдкор	410
10	Рўзиқул Бердиев	Яҳм	22.10.1971	Янгиер, Гулистон, Насаф	408
11	Абдумажид Тоиров	Ҳим	05.08.1974	Сурхон, Нефтчи, Тўпаланг, Бунёдкор, АГМК, Хоразм, Андижон, Навбаҳор	406
12	Анвар Солиев	Ҳуж	05.02.1978	Навбаҳор, Пахтакор, Бунёдкор, Насаф	406
13	Нўъмон Ҳасанов	Яҳм	10.02.1971	Пахтакор, МҲСК, Дўстлик, Насаф, Қўқон-1912, Трактор, Шўртан, Сўғдиёна, Локомотив	402
14	Мухтор Қурбонов	Яҳм	26.01.1975	Темирйўлчи, МҲСК, Навбаҳор, Дўстлик, Пахтакор, Нефтчи, Металлург, Қизилқум, Шўртан, Трактор, Сўғдиёна	402

* - фаолиятини якунламаган футболчилар

Миллий чемпионат гвардиячилари рўйхатида 400лик довонни забт этиши мумкин бўлган футболчилар, афсуски камчиликни ташкил этмоқда. Бу рўйхатга киришга энг яқин даъвогар Жасур Ҳасанов бўлиб, унинг ҳисобидаги ўйинлар сони 393тани ташкил этмоқда. 300дан кўп учрашувда майдонга тушган ва бу йил суперлигада ўйнаган Носир Отақўзиев 351, Эркин Бойдуллаев 348, Шавкат Саломов 343, Маъмур Икромов 323 ва Артур Геворкян 330 ўйин билан мавсумни якунлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +14