Ўзбекистон Футбол Федерацияси, Супер лига ва Про-лига учун янги логотип яратилади

Ўзбекистонда турли соҳалар кундан-кунга ривожланмоқда, шу билан бирга футболимиз ҳам янги босқич арафасида. Ўзбекистон Футбол Федерацияси ислоҳотлар орқали юртимизда энг оммабоп спорт тури ҳисобланган футболни юқори босқичга олиб чиқишга ҳаракат қилмоқда.

Бу борада қатор чора-тадбирлар билан биргаликда Ўзбекистон Футбол Федерацияси логотипини ўзгартириш, шу билан бирга, келаси йилдан ташкил этиладиган Супер лига ва Про-лигалар учун ҳам янги логотип яратишга қарор қилди.

Агарда сиз бу тарихнинг бир бўлаги бўлишни ва футболимиз ривожига ўз ҳиссангизни қўшишни истасангиз, бундай имкониятни қўлдан бой берманг. Шу йилнинг 1 декабридан бошланадиган танловда Сиз ўз вариантларингизни тақдим этиб, қимматбаҳо совринлар ютиб олишингиз ва албатта футболимиз тарихига киришингиз мумкин.

Хабарларимизни кузатиб боринг, футболимиз ривожига ўз ҳиссангизни қўшиш Сизнинг қўлингизда!

«Digital Panda» компанияси ҳақида қисқача маълумот: Ушбу компания 2015 йилдан бери юртимизда рақамли маркетинг соҳасини ривожлантиришга ўз ҳиссасини қўшиб келмоқда. 2017 йилдан бошлаб «Digital Panda» “Mail.ru Group” компаниясининг Ўзбекистондаги эксклюзив вакили сифатида фаолият юритмоқда. Шунингдек, «Digital Panda» “Ucell”, “Beeline”, “UMS”, “Artel”, “Meva”, “Uzdigital TV”, “Dolce & Gabbana”, “TPS”, “Uzmobile”, “Mediapark”, “Multi Mafe”, “Samsung” каби брендлар билан ҳамкорликда иш олиб боради.