Осиё Кубоги: Қувайт терма жамоаси

Қувайт совринларга эга чиқиш бўйича араб жамоалари ичида энг номдорларидан биридир. Қувайт ва Саудия Арабистони умумий гегемонлик борасида жиддий рақобатда бўлиб келишади. Улар ўртасидаги баҳслар Кўрфаз дербиси сифатида эътироф этилади. Ҳозиргача қувайтликлар 1972 йил Осиё Кубогини қўлга киритишган. Кўрфазда эса 10 бор бошқалардан кучлироқ эканликларини исботлашган. Айни пайтда бу жамоа ўртача савияда ўйин намойиш этмоқда. Лекин тактик тарафдан яхши ўйин кўрсатиши сабабли исталган рақибни бир учрашувда мушкул аҳволга тушириб қўйиши мумкин. Улар гуруҳда Австралия ва Кореяга имкониятни шунчаки бой бериб қўйишмайди.

Қувайт терма жамоаси
Лақаби: “Ал Азрақ” (“кўклар”)
Бош мураббийи: Набил Маълул (Тунис)
Сардори: Наваф Ҳолди
Энг кўп ўйнаган футболчи: Бадир Ал Мутва (149)
Тўпурари: Башар Абдуллоҳ (75)
ФИФА рейтингида ўрни: 124
Биринчи учрашуви: Ливия – 2:2 (Марокаш, 1961 йил 3 сентябрь)
Энг йирик ғалабаси: Бутан – 20:0 (Қувайт, 2000 йил 14 февраль)
Энг йирик мағлубияти: БАА – 0:8 (Марокаш, 1961 йил 4 сентябрь), Португалия – 0:8 (Португалия, 2003 йил 19 ноябрь)
1982 йил жаҳон чемпионатида иштирок этган. Осиё Кубогида 9 марта қатнашиб, 1972 йил чемпионга айланган. Кўрфаз Кубогида 10 марта (1970, 1972, 1974, 1976, 1982, 1986, 1990, 1996, 1998, 2010) ғалаба қозонган.

Бош мураббий тунислик Набил Маълулдир. У охирги йилларда Тунис терма жамоаси ва Қатарнинг “Ал Жаиш” клубида иш олиб борди. Ҳозирча мураббий сифатида айтарли ютуқларга эришмади. Осиё Кубогида унда ўзини кўрсатиш учун яхши имконият бўлиши табиий.

Набил Маълул
Туғилган санаси: 25.07.1962
Туғилган жойи: Тунис
Футболчиликдаги позицияси: ярим ҳимоячи
Ўйнаган жамоалари: 1981–1989 “ЭС Тунис”, 1989–1991 “Ганновер”, 1991–1994 “ЭС Тунис”, 1994–1995 “Бицерт”, 1995–1999 “Африкаин”, 1999–2000 “Ал Аҳли”.
Тунис терма жамоасида 11 ўйинда майдонга тушган.
Бошқарган жамоалари: 2011–2013 “ЭС Тунис”, 2013 Тунис терма жамоаси, 2014 “Ал Жаиш”. 2014 йилдан Қувайт терма жамоасида иш бошлади.

Қувайтнинг асосий футболчилари сифатида дарвозабон Наваф Ҳолди, ҳимоячи Мусаед Неда ва Ҳуссайн Фадҳел, ҳужумчилар Бадир Мутва ва Юсуф Носирни кўрсатиш мумкин. Айниқса, Носир терма жамоа 48 учрашувда 30 тўп киритгани эътиборга молик. Мутва эса яхши ҳужумчи ва тўпурар эканлигини турли ўйинларда намойиш этиб бўлган.

Дарвозабонлар
1. Ҳолид Рашиди	12	0	Ал Салмия
22. Наваф Ҳолди	100	0	Ал Қадсия
23. Ҳамид Юсуф	6	0	Ал Араби
Ҳимоячилар
2. Амир Фадҳел	14	0	Ал Қадсия
3. Фаҳад Авад	27	2	Қувайт СК
4. Ҳуссайн Фадҳел	43	2	Ал Ваҳда, БАА
5. Фаҳед Ҳажри	14	0	Ал Қадсия
13. Мусаед Неда	70	15	Ал Оруба, Саудия Арабистони
18. Ҳолид Иброҳим	5	0	Ал Қадсия
Ярим ҳимоячилар
6. Ҳолид Қаҳтони	14	0	Ал Қадсия
7. Талал Фадҳел	0	0	Казма
8. Солиҳ Шейх	39	1	Ал Қадсия
9. Абдуллоҳ Бураики	10	1	Қувайт СК
10. Абдулазиз Энази	7	0	Ал Қадсия
11. Фаҳад Ансари	21	1	Ал Қадсия
12. Султон Энази	15	0	Ал Қадсия
14. Талал Амир	21	0	Ал Қадсия
16. Файсал Зайд	1	0	Жаҳра
Ҳужумчилар
15. Файсал Энази	0	0	Ал Салмия
17. Бадир Мутва	141	46	Ал Қадсия
19. Абдулраҳмон Шаммари	2	0	Ал Наср
20. Юсуф Носир	48	30	Казма
21. Али Мақсуд	26	4	Ал Араби

Беҳзод Назаров тайёрлади