“Ордабаси” машғулотига номаълум шахслар ташриф буюриб, клубга ким хўжайин эканлигини кўрсатмоқчи бўлишди

Манбанинг маълумотларига кўра, 23 апрель, сешанба куни “Ордабаси” клуби машғулотлар майдонига бир нечта машина етиб келди, улар клуб футболчилари ва мураббийларига ким хўжайин эканлигини кўрсатиб қўймоқчи бўлишган.

Номаълум шахсларнинг бошлиғи ўзини Шимкент ҳокимининг отаси деб таништирган. Унинг атрофида бир нечта барзанги йигитлар, шунингдек, ўзларини оддий мухлислар деб атайдиган кексалар бўлган.

Машғулотларни томоша қилган шахслар жамоага, биринчи навбатда, бош мураббий Александр Седневга нисбатан қўпол сўзлар ишлатган.

Жумладан, африкалик легионер ўзини ҳокимнинг отаси деб атаган киши томонидан ирқий сабабларга кўра ҳақоратланган.

Чақирилмаган меҳмонлар ўзларини жуда шафқатсиз тутишган. Уларнинг барча ҳаракатлари ёзиб олинган ва ижтимоий тармоқларда эълон қилиниши айтилмоқда. 

Кейинчалик клуб раҳбарияти эса бош мураббий Седневга ишонишда давом этишини маълум қилди. Воқеа тафсилотлари ўрганилмоқда.

Аввалроқ "Ордабаси" раҳбарияти клубга мухлислик қилмоқчи бўлган блогерларни ўйинга киритмагани ҳақида хабар берилганди.