Latest news

19:37Скалони : "Энцо четлатилганидан кейин ҳам Аргентина босимни давом эттирди. Жамоа кучини текшириш учун жуда яхши имтиҳон бўлди"  0 18:45"Реал" ижтимоий тармоқларда энг оммабоп клуб, "Барса" – 2-ўрин, МЮ – 3-ўрин, ПСЖ – 4-ўрин...  1 18:16Фарруҳ Сайфиев: "Мундиалга бориб, шунчаки қатнашиш йўқ"  10 18:00Про лига. “Олимпик” — “Арал” 0:1  0 17:49ЖЛА бош котиби футбол клублари раҳбарлари билан учрашади  0 17:30"Милан" Леау учун 90-100 миллион евро талаб қилмоқда  0 16:20"Бавария" Нико Уильямсни сотиб олишни хоҳлайди. "Атлетик" вингери – ҳужумдаги устувор вариант  1 15:56Эшакнинг меҳнати ҳалол, ўзи ҳаромми?  53 14:47Интервью. Миржалол Қосимов: "Жиддий айтганда Жаҳон чемпионатига чиқишга энди тайёр бўлдик, бу натижа ўз-ўзидан келмади"  22 14:16Осиё Кубоги-2027 саралаш. Тожикистонда дуранг, Туркманистонда ғалаба  2 14:15Месси Хамесга Аргентина ва Колумбия ўйини вақтида: "Сен жуда кўп гапиряпсан"  6 14:01Игорь Сергеев: "Йиғлаб юборишимга бир бахя қолди"  21 13:27Сане "Бавария"ни тарк этишга қарор қилди. Вингер "Галатасарой"га ўтишга яқин  0 13:15"Манчестер Сити" 70 млн. еврога ярим ҳимоячи сотиб олди  2 12:56"Пахтакор" ва ўзбек футболи афсоналаридан бири Аҳрол Иноятов 80 ёшда  1

Оливер Шаркич: "Ўйин якунидаги агрессив ҳолатни ҳисобга олмаганда ҳаммаси яхши бўлди" News

Оливер Шаркич: "Ўйин якунидаги агрессив ҳолатни ҳисобга олмаганда ҳаммаси яхши бўлди"

Суперлиганинг 4-турида "Пахтакор" ўз майдонида "Навбаҳор"дан кичик ҳисобда устун келди.

Учрашувда 80-дақиқада захирадан майдонга тушган Оливер Шаркич бурилиш ясади. Айнан унинг ажойиб пасидан сўнг Драган Черан ғалаба голини уришга эришди. Жорий мавсум олдидан таркибга янги келиб қўшилган Шаркич секин-аста жамоа ўйинига кўникмоқда. Буни унинг ўзи ҳам тасдиқлаган ҳолда ўйин борасидаги фикрлари билан ўртоқлашди. 

- Ўйин ҳақида...

- Беллашув илк дақиқалардан жуда тажовузкор кўриниш олди. Биринчи бўлимда гол юзага келишида бироз сабр қилишимизга тўғри келди. Аммо иккинчи бўлимда жисмоний тарафдан кучли эканлигимизни кўрсатдик. Вазиятлардан фойдалана олмадик. Худога шукур жуда ҳам кучли рақиб устидан ғалаба қозондик.  Драганнинг голига ассистентлик қилганимда хурсандман. Бу менинг мавсумдаги биринчи фойдали ҳаракатим бўлди.

- Жамоага кўникиш жараёни қандай кетмоқда?

- Ҳали ҳам давом этмоқда. Ушбу жараён яна озроқ вақт давом этиши мумкин. Чунки ўйин услуби бошқача экан.  Англияда футбол тез, Ўзбекистонда эса агрессив. Аммо мен кўникиб кетиш учун боримни бермоқдаман. 

- Англия, Испания ва Португалия чемпионатларида тўп тепгансиз. Ўзбекистон қандай таассурот уйғотди? 

- Ҳаётимда биринчи маротаба Ўрта Осиёда бўлишим. Бундан олдин фақат Қатарга борган эдим. Икки мамлакатни бир хил дея олмайман. Аммо менга юртингиз жудаям ёқди. Маҳаллий одамлар меҳнаткаш ва ростгўй экан. Тошкентда истиқомат қилиб ҳаётдан баҳра олмоқдаман. 

- Бу ерга келишингиздан олдин нималарни кутган эдингиз?

- Ўзбекистонга келишимдан олдин, катта клуб ва чемпион жамоада ўйнашимни билган эдим. Чемпионат ва ОЧЛда ўзимни кўрсатиб нималарга қодирлигимни исботлашга ҳаракат қиламан. "Пахтакор"дан таклиф олганимда оилам ва дўстларим билан маслаҳатлашиб розилик билдирдим. ОЧЛда тез ва сифатли футболни кутяпман. Ҳамма билади ушбу турнирда яхши ўйинчилар ва жамоалар ўйнашади. Албатта қийин бўлади. Бироқ биз Ўзбекистон чемпионимиз ва ишонаманки, гуруҳдан чиқа оламиз.

- "Навбаҳор" билан ўйиндаги стадиондаги муҳит ҳақидаги фикрингиз?

- Ажойиб, мухлисларимиз ўзгача қушиқлар билан бизни қуллаб-қувватлашди. Буни эшитиш жуда ёқимли. Ўйиндан кейинги "агрессивликни" айтмаса ҳаммаси аъло даражада кечди. Футбол ҳиссиётлар қайнайдиган спорт тури.

- Оливер сизнинг қаердан эканлигингиз қизиқ? Биз Черногория, деб эшитдик. Айрим манбалар Бельгия, Англияни кўрсатмоқда...

- Бельгия мамлакатида 2007-2017 йиллар давомида яшаганман. Сўнгги 3 йилни Англияда ўтказдим. Менинг юртим -  Черногория. Отам черногориялик. Мазкур мамлакатнинг турли ёш тоифасидаги жамоаларида тўп тепганман.

Учқун Азимов суҳбатлашди




Rating: +9   

Comments

championat.asia
< show latest news
Яндекс.Метрика