Оғир жароҳат олган Отабек Шукуров 5 ойдан сўнг майдонга қайтди
08 sep 2019 15:12
News

Оғир жароҳат олган Отабек Шукуров 5 ойдан сўнг майдонга қайтди

Ўзбекистон терма жамоаси аъзоси Отабек Шукуров март ойидан буён илк бор майдонга тушди.

25 март куни Шукуров терма жамоа сафида Хитойга қарши баҳсда оёғидан жиддий жароҳат олган ва операция қилинган эди. Кеча Амирликлар кубоги доирасида "Шаржа" "Ажман" меҳмони бўлди. Ушбу баҳсда Отабек Шукуров 166 кун ёки 5 ой 13 кундан кейин майдонга тушди ва тўлиқ ўйнади.
Сайтимиз ходимлари ва мухлислари номидан Отабекни жароҳатидан тўлиқ фориғ бўлгани билан табриклаймиз, бошқа ҳеч қачон жароҳат олмаслигини тилаймиз.

"Шаржа" навбатдаги учрашувни 14 сентябрь куни ўтказади. Шу куни Отабек Шукуров клуби БАА Суперкубоги доирасида "Ал Аҳли" билан тўқнаш келади.

Амирликлар кубоги. 3-тур
"Ажман" - "Шаржа" 0:5
Голлар: Райан Мендес 24, Рикардо Гомес 35, 61, 75, Коронадо 55.