Нозим Муллаохунов: "Дарвозабонимиз ва бир неча футболчиларимиз молиявий муаммо сабабли кетиб қолди"
03 jun 2018 21:48
News
![](https://championat.asia/upload/storage/431649_original.jpg)
![](/upload/storage/431649_220.jpg)
Нозим Муллаохунов: "Дарвозабонимиз ва бир неча футболчиларимиз молиявий муаммо сабабли кетиб қолди"
Бугун фақатгина жисмоний тайёргарлик бўйича мағлуб бўлдик. Бунда биз ҳам айбдормиз, йигитлар фақат ўйинларга келишади, машғулотларда қатнашишмайди. Бундан кейин раҳбарият барча шароитларни яратишга ваъда берган. Навбатдаги ўйинларда иложи борича вазиятлардан фойдаланишга ҳаракат қиламиз.
Про-лигани А ва Б зоналарга бўлиб, жуда яхши иш қилишган. Чунки Б минтақасида жамоаларнинг ташкилотчилиги, тайёргарлиги борасида камчиликлар кўзга ташланмоқда. Зонадаги барча жамоаларнинг кучи ўзаро тенг, деб ҳисоблайман. Барча жамоалар ўзаро рақобатга кириша олишади.
Бизда 3 нафар дарвозабон бор. Молиявий томондан бироз қийинчиликларга тушиб қолдик. Йигитлар эса бунга сабр қилишмади ва жамоадан кетиб қолишмоқда. Аммо айб барчада, футболчиларда, мураббийларда ва раҳбариятда. Эндиликда клубдаги сиёсат анчагина яхши. Иккинчи даврада дарвозабонлар борасида иш олиб борамиз, уларни қайтаришга ҳаракат қиламиз. Уларнинг шартномаси бор, шу боисдан машғулотларда, йиғинларда ўзларини кўрсатишлари керак. Эртага улар мана шу шартномага қараб пулини талаб қилади. Бироқ улар биз қўяётган талабни бажармаяпти. Агарда барчаси мен истагандек бўлмаса, футболчилар меҳнат қилмаса, мен ҳам ассоциацияга арзнома билан чиқаман.
Ҳозирда жамоанинг расмий бош мураббийи ўзимман. Ҳа, олдинроқ соғлиғим кўтармагани сабабли жамоадан кетмоқчи бўлгандим. Орадан вақт ўтиб, раҳбарият билан яна келишиб олдим. Агарда вақтлар давомида раҳбарият футболчиларимизнинг ўсиши учун шароитлар қилиб бермаса, бу айрим муаммоларни келтириб чиқаради. Худо хоҳласа, барчаси яхши бўлади. "Хотира-79"нинг номи ўша ҳалок бўлган "пахтакорчилар" шарафига қўйилган. Шу боисдан мен фақатгина ёшлар, балки катталардан ҳам яхши ўйнашларини талаб қиляпман. Ҳеч ким менинг ишимга аралашиши керак эмас. Шундай бўлган тақдирда айрим ўзгаришлар бўлиши мумкин", - деди Муллаохунов.
Миржалол Норматов суҳбатлашди
Similar news
![AMP Logo](https://championat.asia/image/logo-amp.png)
Comments