Нидерландияда кузгача футбол ўйинлари ўтказилмайди. "Аякс" еврокубоклардан четда қолиши мумкин
22 apr 2020 00:09
News

Нидерландияда кузгача футбол ўйинлари ўтказилмайди. "Аякс" еврокубоклардан четда қолиши мумкин

Нидерландия бош вазири Марк Рутте иштирокидаги матбуот анжуманида эълон қилинишича, 1 сентябрга қадар мамлакат ҳудудидаги барча оммавий тадбирлар бекор қилинади.

Бу футбол ўйинларини (томошабинларсиз учрашувларни) ҳам ўз ичига олади. Шу тариқа футбол бўйича мамлакат чемпионати баҳслари тикланмаслиги аниқ бўлди.

Мазкур қарорга қироллик футбол федерацияси муносабат билдиргани йўқ. Аввалроқ мамлакат чемпионати июнь ойи ўрталарида тикланиши ва учрашувлар томошабинларсиз ўтказилиши ҳақида хабар қилинганди.

УЕФА эса чемпионати якунига етказилмаган мамлакат вакилларининг еврокубокларда иштирок этолмаслиги мумкинлигини эълон қилган.

Link :

Source : Voetbal International

Receive latest football news directly on your phone. Subscribe for our Telegram channel!

Rating: