Неъматулла Қутибоев: "Қўлимда диск йўқлиги учун ПФЛга шикоят қила олмадим"
09 jun 2014 12:28
News

Неъматулла Қутибоев: "Қўлимда диск йўқлиги учун ПФЛга шикоят қила олмадим"

Яқинда биринчи лиганинг "Ғарб" минтақасидан ўрин олган "Хоразм" - "Орол" (2:1) баҳсида учрашув бош ҳаками Наим Қосимов мезбонлар фойдасига чиқарган қарорлари натижасида учрашув суръатига салбий таъсир ўтказган.

Бу борада сайтимизда аввалроқ мақола чиққанди.

Вазиятга ойдинлик киритиш мақсадида нукусликлар устози Қутибоевга сим қоқдик.

- Бўлган иш бўлиб ўтди. Энди уни эслашдан маъни йўқ. Сайтингизда чиққан мақолада ёзилган барчаси тўғри. Лекин ўйинни видеога олмаганмиз. Қўлимда диск йўқ экан, бу борада ҳакам устидан ПФЛга шикоят қилиш фойдасиздир, - дея гап бошлади Қутибоев.

- Учрашувни кўриш учун стадионга ташриф буюрган ишқибозлар ўйинда нима юз берганини ўз кўзлари билан кўришди. Хулосани ўзлари чиқариб олаверишади. Айтганимдек, ҳакамнинг хатосини исботлаш учун ўйин диски йўқ.

- Клуб раҳбарияти билан гаплашдик, энди кейинги ўйинларимизни видеога олинади. Шундай қилмасак бўлмайди, - дейди "Орол" бош мураббийи.

Link :

Source : championat.asia

Receive latest football news directly on your phone. Subscribe for our Telegram channel!

Rating: