"Нефтчи" ўйинига чиқарилган мавсумий чипталар бекор қилинди
06 aug 2013 13:17
News

"Нефтчи" ўйинига чиқарилган мавсумий чипталар бекор қилинди

Юртимизда ҳар йили чемпионат ўйинлари стартидан олдин жамоалар мухлисларга мавсумий чипталарни сотиб олиб, мавсум мобайнида барча ўйинга кириши мумкинлиги хусусида маълум қилади.

Бунга имконияти борлар, мавсумий чипта олиб, ҳар бир ўйинга кириш кафолатини бирмунча яхшилаб олишади. Яна айримлар эса фақат ўйин куни бир марталик чипта сотиб олишни маъқул кўради. Хабарингиз бор, "Нефтчи" биринчи давра ўйинларини Фарғонадаги "Марказий" стадионда ўтказди. Жамоа энди чемпионатнинг қолган қисмини Қиргули шаҳарчасидаги "Нефтчи СК"да ўтказадиган бўлди. Шу сабабли мавсум бошида сотилган мавсумий чипталар бекор қилинди. Шу боис энди иккинчи давра ўйинларининг барчасига мухлислар бир марталик чипталар билан киради. Шунингдек йил бошида ОАВга берилган кириш руҳсатномалари, бейджиклар ҳам янгиланди.

Айтишларича, чемпионат олдидан чиқарилган мавсумий чипталар давлат идорали ва ташкилотларга берилган. Мухлисларга сотилмаган.
Маълумот ўрнида шуни айтиб ўтиш керакки, Қиргули шаҳарчасидаги "Нефтчи СК" стадионининг сиғими 7000тани ташкил этади. Куни-кеча ушбу стадионда бўлиб ўтган "Нефтчи" - "Шўртан" баҳсига 5000 сўмдан чипта чиқариб сотилган.

Исломбек Рустамбеков

Link :

Source : championat.asia

Receive latest football news directly on your phone. Subscribe for our Telegram channel!

Rating: