"Навбаҳор": Комилов - апрель ойининг энг яхши футболчиси

Каналнинг 133 фойдаланувчиси мазкур сўровномада иштирок этиди. Унинг якунига кўра марказий ҳимоячимиз Ғиёсжон Комилов 40 фоиз (53 та) овоз тўплаб, биринчи ўринни қўлга киритди. Ярим ҳимоячимиз Ойбек Қиличев эса 24 фоиз (32) овоз билан иккинчи бўлди. Кучли учликни дарвозабон Асилбек Аманов 14 фоиз (18) овоз билан якунлади. 23 ёшли дарвозабонимиз кетма-кет тўртта "қуруқ ўйин" ўтказган чемпионатдаги ягона футболчи бўлиб турганини қўшимча қилиш лозим.

Эслатиб ўтамиз, апрель ойида "лочинлар" "Машъал" ва "Шўртан" устидан 1:0 ҳисобида ғалаба қозониб, "Металлург" билан дуранг (0:0) қайд этишди ва "Пахтакор" майдонида имкониятни бой беришди. Ушбу лойихани ҳар бир ой якунига кўра эндиликда ўтказиб борилади.