Мурод Ризаев: "Австралия ва Япония тушмаса бўлгани"

- Австралия ва Япония терма жамоалари тушмаса бўлгани. Қолган жамоалар билан бемалол ўйнаса ва ютса бўлади. Шу ўринда бир нарсани аччиқ бўлсада айтишим керак, терма жамоамизнинг иккинчи саралаш боскичидаги ўйин сифати яхши эмас. Савияди ҳужумчилар йўқ. Игорь Сергеевнинг бир ўзи камлик қилади. Стандарт вазиятларда хилма-хиллик кўзга ташланмаяпти. Бизга ранг-баранглик керак. Футболчилар майдонда худди қўрқиб ўйнашаётгандек таассурот қолдиряпти. Ва энг асосийси, аксарият футболчиларимизнинг бугунги жисмоний ҳолати яхши эмас.

- Легионер футболчиларимиз ҳақида қандай фикрдасиз? Улар ўз клубларида кўрсатаётагн ўйинларини терма жамоада ҳам тўлиқ намойиш эта олилшяптими?
- Сардор Рашидов, Виталий Денисов, Одил Аҳмедов ва Анзур Исмоилов имкон қадар яхши ўйин намойиш этишяпти. Уларнинг ҳаракати бошқалардан ажралиб қолмоқда. Қолганлар ҳақида бир нарса дейиш қийин. Вадим Абрамов давридаги тажоввузкор ўйинимиз йўқолиб бораётганлиги ачинарли ҳолат. Кўпчилик қатори мен ҳам Сервер Жепаровнинг сальтоларини соғиндим. Менимча, қуръа тақвими биз учун омадли келди. Бундан максимал даражада фойдаланиш керак эмас, шарт. Лекин иккинчи саралаш босқичидаги ўйини билан ЖЧ-2018га чиқа олмайди. Ўйинни кучайтириш ва темпни ошириш керак. Терма жамоа бош мураббийи Самвел Бабаян кучли психолог. Савиясига ҳозирча бахо беролмайман. Тахминим Эрон, Жанубий Корея, Хитой, Қатар,Таиланд, Ўзбекистон. Шундай бўлса, ишимиз анча енгиллашади.

Камолиддин АЛИМОВ ёзиб олди