Мигел Родриго: "Шогирдларим биринчи бўлимда фантастик ўйин намойиш этишди"

“Бу узоқ муддатли турнир, шу боис футзалчиларнинг кучларини мёрида тақсимлашимиз керак. Шогирдларим биринчи бўлимда фантастик ўйин намойиш этишди. Биринчи бўлимда 10та гол уриб бўлинган эди. Шу боис иккинчи таймда бироз секинроқ ўйнадик. Ҳеч бир жамоа иккита бир хил тайм ўтказа олмайди”, - дейди Мигел Родриго.

- Биринчи ўйинда ҳужумда 30 фоиз куч билан ўйнади деб айтгандингиз. Бугунчи?
- Қатар кучли жамоа эди. Бизга японча футзал ўйнаш учун имконият бермаганди. Бугун эса барчаси изига тушиб кетди ва йирик ҳисобда зафар қучдик.

- Ўтган турда дарвозабоним энг яхши деб айтгандингиз. Бугун ким энг зўр бўлди?
- Бутун жамоа. Бугун жамоавий томонлама ажойиб ўйнадик. Ҳар бир футзалчи ўз ишини тўлиқ бажара олди.

- Австралияга қарши ўйинда нима кутаяпсиз?
- Кўп нарса Қатар ва Австралия ўртасидаги ўйинга боғлиқ бўлади. Бугунги рақибимизга солиштирганда Австралия кучли. Малайзия 5та голдан сўнг таслим бўлиб қўя қолди.

Нарзулла Сайдуллаев