“Металлург” навбатдаги назорат баҳсини Қозоғистон жамоасига қарши ўтказди

Андрей Шпилов бошчилигидаги жамоа аъзолари бугун навбатдаги назорат учрашувида майдонга тушди. Қозоғистоннинг “Қайсар” жамоасига қарши кечган ўйинда жанговар дуранг (2:2) қайд этилди. 

Учрашувнинг 11-дақиқасида “Қайсар” футболчиси Фортес ҳисобни очди. Биринчи бўлим якунида Пешич натижани 0:2 ҳолатига келтирди. Иккинчи таймни бекободликлар ҳужумкор руҳда бошлашди. 53-дақиқада Станислав Андреевнинг ўзатган тўпини Саламат Қутибоев дарвозага жойлаб қўйди. Орадан ўн дақиқа ўтгач ҳисоб тенглашди, бу галги гол муаллифи ўтган мавсумни “Бухоро”да ўтказган Мурод Бобожонов бўлди. Унинг голига Абдураҳмон Абдулҳақов ассистлик қилди.

“Металлург” – “Қайсар” 2:2.

Голлар: Фортес (11), Пешич (45), Саламат Қуттибоев (53, пас Станислав Андреев), Мурод Бобожонов (63, пас Абдураҳмон Абдулҳақов).

“Металлург”: 35. Акмал Турсунбоев, 28. Станислав Андреев, 21. Камолиддин Тожиев, 5. Аббос Отахонов, 22. Шаҳзобек Ғофурбеков, 55. Акбар Исматуллаев, 33. Саламат Қуттибоев, 14. Аброрбек Тошқўзиев, 18. Ихтиёр Тошпўлатов, 19. Евгений Чумак, 10. Шаҳзодбек Убайдуллаев.

“Қайсар”: Исломқулов, Граф, Шумских, Толегенов, Каиров, Нарзилдаев, Тагиберген, Парагулов, Фортес, Пешич, Колев.

Абдулазиз Искандаров тайёрлади