Мессининг ўрнини босиши кутилган Деулофеу ҳозир қаерда?
07 aug 2021 18:54
News
![](https://championat.asia/upload/storage/651655_original.jpg)
![](/upload/storage/651655_220.jpg)
Мессининг ўрнини босиши кутилган Деулофеу ҳозир қаерда?
Баъзиларнинг ўрнини тўлдириш имконсиз. Масалан, футбол сўнгги 10 йилда минглаб "янги Месси"ларни кўрди. Бироқ, юқорида айтилганидек, Леони такрорлаш мумкин эмас, у битта.
Рукнимизнинг аввалги сонларида Ален Ҳалилович ва Боян Кркич ҳақида маълумот бергандик. Бугун навбат каталон ўғлони Жерар Деулофеуга етди. Зеро, айнан у "Барселона"да Месси эрасининг давомчиси бўлиши кутилган эди.
1994 йилда туғилган Жерар 9 ёшида "Барса" кантерасига қабул қилинди. Кейинчалик қанот вингерига айланиб кетган футболчи болалар ва ўсмирлар футболида ҳужумчи ортида плеймейкерлик қиларди. Иқтидори мураббийларнинг кўзига анча эрта "суқила" бошлаган Деулофеу Испаниянинг барча ёшдаги терма жамоаларида етакчилардан бири эди.
"Барса" либосида илк голини урганида атиги 17 ёшда эди. Шу туфайли журналистлар унинг тимсолида ҳам янги Мессини топишди. Мана, орадан роппа-роса 10 йил ўтди. Ўзбек халқининг "мақталган қиз" ҳақидаги мақоли яна бир бор тасдиғини топди. Статистикага қарасак, Жерар ортда қолган декадада "кўк-аноррангли" либосни атиги 23 бор кийгани ва бор-йўғи 2 голга муаллифлик қилганига гувоҳ бўламиз (бўлажак Месси эмиш).
Каталон клуби мухлислари Деулофеунинг ортда қолган йилларда "Эвертон", "Севилья", "Милан", "Утфорд" сингари клубларда тўп тепганини яхши билишади. 27 ёшли вингер жорий йилнинг январида Италия А Сериясига кўчиб ўтди. Унда Удине шаҳрининг "Удинезе" клуби билан 2024 йилнинг ёзига қадар мўлжалланган шартнома бор.
Сўзимиз охирида Жерарнинг ўзини Месси билан солиштиришларига муносабатини келтирмоқчимиз. У 2018 йилда бу масалага алоҳида тўхталган эди: "Ёш боланинг Мессига қиёсланиши ташқи томондан ёқимлидек туюлиши мумкин. Аммо, бу жуда даҳшатли ҳолат. ОАВ ҳар куни мени "янги Месси" деб ёзар, у билан қиёсларди. Бундай босимга чидаш ғоят мушкул".
Similar news
![AMP Logo](https://championat.asia/image/logo-amp.png)
Comments