Матбуот котиблари учун танлов. Ғолиблар маълум

Танлов шартлари қуйидагича эди:
1. Олий лига ва Ўзбекистон Кубогининг навбатдаги учрашувларидан аввал жамоа бош мураббийи ёки футболчиларининг бири билан ўйинга оид фикрини тақдим этиш.
2. Учрашувнинг ўйин ва ўйиндан кейинги якуний қайдномасини тақдим этиш (олий лига, Ўзбекистон Кубоги, ўринбосарлар).
3. Учрашувдан сўнг ташкил этилган матбуот анжуманини mp3 форматида тақдим этиш.
4. Учрашувда тўп тепган футболчи билан ўйинга оид қисқа суҳбат (минимум бир киши, максимум 2 киши).
5. Учрашувга оид энг сара 10та сурат.
6. Учрашувнинг қизиқарли ҳолатлари акс этган видеолавҳа

Матбуот котиблари бутун мавсум давомида ўз клублари иштирокидаги ўйинларни юқори савияда ёритиб боришга ҳаракат қилишди. Баъзи ҳамкасбларимиз хатто танловдан ташқари ёшлар лигаси ўйинларини ҳам ёритиб боришгани бизни қувонтирди. Танлов натижасида клуб мухлислари ва нейтрал ишқибозлар олий лига баҳсларининг янада кенгроқ ва фото, видеолар билан ёритилишидан хурсанд бўлишгани турган гап.


Баъзи клублар кубок баҳсларига кечроқ қўшилганликлари туфайли ўйинлар сонида фарқ бўлди. Қайсидир жамоа 37та, қайсидир жамоа 31та ўйин ўтказган. Танловда "Бухоро" матбуот хизмати энг кўп ўйин ўтказди ва энг кўп балл йиғишга эришди. Иккинчи ўринни "Бунёдкор" матбуот хизмати эгаллади. "Қўқон-1912" матбуот хизмати кучли учликни якунлаб берди. Агар баллар ўйинлар сонига бўлинганида "Қўқон-1912" танлов ғолиби бўлар эди. "Машъал" ва "Локомотив" матбуот хизмати вакиллари 4 ва 5-ўринни банд этишди. Ниҳоят 6-ўринда "Навбаҳор" матбуот хизмати қайд этилди. Танловда иштирок этган барча матбуот хизмати вакилларига чуқур миннатдорчилик билдирамиз.


Ғолиб ва совриндорлар қуйидагича тақдирланадилар:
1-3 - ўринлар учун  – ТВ.
4-5 - ўринлар учун – Смартфон.
6-ўрин учун мобил телефон.

ТАНЛОВ ҒОЛИБЛАРИНИ ТАҚДИРЛАШ МАРОСИМИ 2017 ЙИЛНИНГ 1 ФЕВРАЛЬ САНАСИДА ЎТКАЗИЛАДИ.

Олий лига

№	Клуб	Балл	Ўйин сони
1	“Бухоро”	271	37
2	“Бунёдкор”	264	36
3	“Қўқон-1912”	260	35
4	“Машъал”	248	35
5	“Локомотив”	221	36
6	“Навбаҳор”	213	33
7	“Андижон”	197	35
8	“Насаф”	147	36
9	“Қизилқум”	141	33
10	“Нефтчи”	139	33
11	“Сўғдиёна”	133	33
12	“Шўртан”	126	31
13	“Металлург”	99	35
14	“Обод”	98	33
15	“Олмалиқ”	87	33
16	“Пахтакор”	84	32

Биринчи лиганинг баъзи клублари матбуот хизмати вакиллари ҳам танловдан ташқари иштирок этишди. Бу албатта ушбу клуб мухлисларини қувонтиргани аниқ. Уларга алоҳида миннатдорчилик билдириб қоламиз.

Биринчи лига

№	Клуб	Балл
1	“УзДонгЖу”	155
2	“Зомин”	146
3	“Машъал-2”	84
4	“Оқ-тепа”	63