Марсело тўртта ўйинга четлатилиши мумкин

Испания чемпионатининг “Реал” – “Леванте” (1:1) жамоалари учрашувида бразилиялик футболчи беллашувнинг 89-дақиқасида бош ҳакам томонидан қизил карточкага лойиқ кўрилди. Ҳакам Алехандро Эрнандес “Реал” футболчисини рақиб ярим ҳимоячиси Жефферсон Лермега қўпол муносабатда бўлгани учун шундай қарорга келди.

Учрашув қайдномасида ёзилишича, Марсело рақиби тўп билан муомала қилаётган пайтда унга орқасидан келиб зарба берган. Ла Лига регламенти бўйича, тўғридан тўғри қизил карточка олган футболчи иккита ўйинда майдонга тушмаслиги лозим.

Агар тартиб-интизом қўмитаси Марселонинг ҳаракатларини ўта тажовузкорона деб топса, уни тўртта ўйинга дисквалификация қилишлари мумкин.